پاکستان کرکٹ بورڈ (پی سی بی) نے پاکستان کی تاریخ پر مبنی ویڈیو میں ورلڈ کپ 1992ء کے فاتح کپتان عمران خان کو شامل نہ کرنے پر شائقین کرکٹ اور سابق کرکٹر کی جانب سے سوشل میڈیا پر شدید تنقید کے بعد پی سی بی نے ویڈیو میں تبدیلی کرتے ہوئے سابق کپتان عمران خان کو ویڈیو میں شامل کر لیا۔
مزید پڑھیں
یوم آزادی (14اگست ) کے موقع پر پی سی بی نے پاکستان کی کرکٹ کی تاریخ پر مبنی ویڈیو جاری کی تھی جس میں 1992ء کے ون ڈے ورلڈ کپ اور 2009ء کے ٹی 20 ورلڈ کپ میں پاکستان کی جیت سمیت پاکستان کرکٹ کے دیگر تاریخی لمحات شامل کیے گئے تھے، اس ویڈیو سابق کپتان عمران خان کو نمایاں نہیں دیکھایا گیا تھا۔
پی سی بی کی اس ویڈیو پر سوشل میڈیا پر جہاں عوام اور سابق کرکٹر کی جانب سے عمران خان کو شامل نہ کرنے پر تنقید کی جا رہی تھی وہی قومی خواتین کرکٹ ٹیم کو اس ویڈیو میں نمائندگی نہ دینے پر بھی نکتہ چینی ہو رہی تھی۔ سابق کپتان وسیم اکرم نے بھی اپنے پیغام میں کہا تھا کہ عمران خان کے بغیر پرومو قبول نہیں، پی سی بی اسے ڈیلیٹ کرے۔
After long flights and hours of transit before reaching Sri Lanka, I got the shock of my life when I watched PCB’s short clip on the history of Pakistan cricket minus the great Imran Khan… political differences apart but Imran Khan is an icon of world cricket and developed…
— Wasim Akram (@wasimakramlive) August 16, 2023
اس تنقید کے بعد پی سی بی نے اپنی ویڈیو میں ترمیم کر کے دوبارہ جاری کی ہے جس میں سابق کپتان عمران خان کو ورلڈ کپ 1992ء کی ٹرافی اٹھائے دیکھایا گیا ہے، سابق کپتان مصباح الحق کو بھی ٹیسٹ میس اٹھائے اس ویڈیو میں دیکھا جا سکتا ہے۔
پی سی بی کی نئی ویڈیو میں پاکستان خواتین کرکٹ ٹیم کی ایشین گیمز میں کامیابی کا بھی ذکر ہے اور بولر ندا ڈار کی 100 وکٹوں کا ریکارڈ بھی نئے پرومو میں شامل کیا گیا ہے۔
The PCB has launched a promotional campaign leading up to the CWC 2023. One of the videos was uploaded on 14th August 2023. Due to its length, the video was abridged and some important clips were missing. This has been rectified in the complete version of the video ⤵️ pic.twitter.com/Rz2OBDyI9i
— Pakistan Cricket (@TheRealPCB) August 16, 2023
