ملیر پولیس نے 7 اگست کو اسلام آباد سے کراچی پہنچنے والی خاتون مسافر سائرہ مصطفیٰ کا ایئرپورٹ پر گم ہونے والا 40 لاکھ روپے مالیت کا سونا ڈھونڈ نکالا۔
پولیس کے مطابق خاتون مسافر اپنا بیگ ایئرپورٹ پارکنگ ایریا میں بھول گئی تھیں، مسافر خاتون کے ہینڈ بیگ میں سونا موجود تھا، جو پارکنگ ایریا سے کار سوار کو ملا، کار سوار وہ بیگ اپنے گھر لے گیا تھا۔
خاتون نے بیگ کی تلاش سے مایوس ہو کر پولیس کو اطلاع دی جس کے بعد تھانہ ایئرپورٹ پولیس نے کارروائی کرتے ہوئے سی سی ٹی وی کی مدد سے 24 گھنٹے میں بیگ ڈھونڈ نکالا اور خاتون کے حوالے کر دیا۔
