امریکی ریاست میسوری میں ایک 13 سالہ بلی نے رسی کودنے کا گنیز ورلڈ ریکارڈ توڑ دیا ہے، بلی نے ایک منٹ میں 9 بار رسی پھلانگ کر نیا ریکارڈ قائم کیا۔
امریکی ذرائع ابلاغ اور سوشل میڈیا پر چلنے والی خبروں میں بتایا گیا ہے کہ پالتو جانوروں سے انس رکھنے والے افراد کے لیے دلچسپی کی بات یہ ہے کہ امریکی ریاست میسوری میں ایک 13 سالہ بلی کٹ کیٹ نے مالک تریشا سیفریڈ کے ساتھ مل کر 9 مرتبہ رسی کو پھلانگا، جو کہ ایک منٹ میں سب سے زیادہ رسی پھلانگنے کا کسی بھی بلی کا یہ عالمی ریکارڈ ہے۔
جانوروں کی خصوصیات اور مہارتوں پر کام کرنے والی ایجنسی کے سربراہ سیفریڈ نے بتایا کہ یہ کِٹ کیٹ جب 6 ماہ کی تھی تو اس وقت سے ہی یہ فارم پر لوگوں کی بڑی تعداد کے سامنے رسی پھلانگنے کا مظاہرہ کیا کرتی تھی۔
کِٹ کیٹ کی اس صیلاحیت سے ان غلط فہمیوں کو ختم کرنے میں مدد ملی ہے کہ بلیوں کو تربیت نہیں دی جا سکتی۔
جانوروں کے ٹیلنٹ پر کام کرنے والے سیفریڈ کا مزید کہنا ہے کہ کٹ کیٹ کو رسی پھلانگنے کی مہارت سکھانے اور اس کی خوراک سے متعلق انہوں نے تریشا کی بھرپور معاونت کی ہے۔
ان کا کہنا تھا کہ ’رسی کودنا یا لمبی چھلانگ لگانا یقینی طور پر بلیوں کی سب سے بڑی چال سمجھا جاتا ہے، لیکن ان کی عمر کی وجہ سے ہم ان کی چھلانگ کو کم سے کم رکھتے ہیں۔
