سعودی وزیر حج و عمرہ ڈاکٹر توفیق بن فوزان الربیعہ 4 روزہ دورے پر اسلام آباد پہنچ گئے۔
اتوار کو اسلام آباد انٹرنیشنل ایئرپورٹ آمد پر نگران وزیر مذہبی امور انیق احمد، سعودی سفیر نواف المالکی، سابق وزیر مذہبی امور سینیٹر محمد طلحہ محمود، وزارت کے دیگر حکام نے معزز مہمانوں کا استقبال کیا۔
مزید پڑھیں
سعودی وزیر حج و عمرہ ڈاکٹر توفیق بن فوزان الربیعہ حرمین الشریفین کے انتظامی بورڈ کے چیئرمین بھی ہیں۔
ترجمان مذہبی امورکی جانب سے بیان کے مطابق سعودی وزیر مذہبی امور کے ہمراہ ڈپٹی وزرا حج عمرہ، سیاحت، عالمی تعاون، سعودی ایئرلائن کے صدر، سعودی ایوی ایشن کے نمائندے وفد میں شامل ہیں۔
وفد میں سعودی سول ایویشن اتھارٹی کے چیئرمین، سعودی ایئرلائن کے صدر، سعودی ٹورزم اتھارٹی کے سی ای او ، سیکرٹری عمرہ، سیکرٹری حج، سیکرٹری انٹرنیشنل تعاون وزارت حج، ضیوف الرحمن پروگرام کے چیف ایگزیکٹیو، سعودی مرکزی بینک کے ڈائریکٹر برائے انسداد منی لانڈرنگ و ٹیرر فنانسنگ بھی شامل ہیں۔
