کراچی کے علاقے بفر زون میں ایک بچہ مکان کی دوسری منزل سے نیچے گرنے کے باوجود معجزانہ طور پر بچ گیا۔
اس حوالے سے سی سی ٹی وی فوٹیج بھی منظر عام پر آئی ہے جس میں دیکھا جاسکتا ہے کہ بچہ گیلری سے گرا لیکن وہ براہ راست زمین پر گرنے کے بجائے انٹرنیٹ کے کیبل سے ٹکرایا اور اس پر ٹپا کھا کر آہستگی سے زمین پر گرگیا۔
تار پر گرنے سے بچہ براہ راست زمین پر گرنے سے بچ گیا اور اسے سر پر معمولی چوٹ آئی۔ بچے کی چیخ سن کر سامنے کھڑا شخص تیزی سے بچے کی طرف آیا اور اسے اٹھا لیا۔
اہلخانہ کے مطابق اس واقعے کے فوراً بعد ہی بچے کو اسپتال لے جایا گیا۔ یہ واقعہ بدھ کے روز پیش آیا تھا۔
