سابق وزیراعظم اور چیئرمین پاکستان تحریک انصاف عمران خان کی اہلیہ بشریٰ بی بی نے سپریم کورٹ آف پاکستان میں بیان حلفی جمع کرادیا ہے جس میں کہا گیا ہے کہ جیل جیل میں عمران خان کی زندگی کو سنگین خطرات لاحق ہیں۔
انہوں نے کہا ہے کہ مشکلات اور تاخیر کے باعث عمران خان سے 22 اگست کو اٹک جیل میں ملاقات ہوئی۔ چئیرمین پی ٹی آئی آئین اور قانون کی حکمرانی کے ساتھ کھڑے ہیں۔ وہ اس کے لیے جدوجہد، ہر قربانی دینے اور مشکل کا سامنا کرنے کے لیے پرعزم ہیں۔
بیان حلفی میں موقف اختیار کیا گیا ہے کہ جیل میں چئیرمین پی ٹی آئی کی صحت خراب ہو رہی ہے، ان کا وزن بھی کم ہوا ہے، 70 سالہ شخص کی گرتی صحت ان کی زندگی کے لیے سنگین خطرہ ہے۔
