نسیم شاہ نے گزشتہ روز افغانستان کو ایک روزہ سنسنی خیز اور اعصاب شکن میچ میں شکست دینے کے بعد اپنے تاثرات بیان کرتے ہوئے کہا ہے کہ اللہ کا جتنا شکر ادا کروں کم ہے کیونکہ صورتحال ہی ایسی تھی۔ بہت خوشی کی بات ہے اور ہمیں اس فتح کی ضرورت بھی تھی۔
انہوں نے کہا کہ جب میں میدان میں اترا تو شاداب بھائی موجود تھے، مجھے یقین تھا کہ ہم دونوں ملک کو فتح سے ہمکنار کرلیں گے۔ لیکن جب شاداب بھائی آؤٹ ہوئے تو ظاہر تھا کہ اب مجھے ہی کچھ کرنا تھا، اتفاق سے ماضی جیسی صورتحال تھی اور باؤلر بھی وہی تھا، اس لیے یقین تھا کہ میں فتح چھین لوں گا۔
Such chases not for the faint-hearted 😅
🗣️ @iNaseemShah the finisher on his splendid cameo last night 👏#AFGvPAK | #BackTheBoysInGreen pic.twitter.com/AUANuDjlWW
— Pakistan Cricket (@TheRealPCB) August 25, 2023
میں بیٹنگ کی بہت نیٹ پریکٹس بھی کرتا ہوں، کیونکہ مجھے علم ہے کہ میری باری ہمیشہ اس وقت آتی ہے جب سانس کی رگیں تک بند ہونا شروع ہو جاتی ہیں۔ ایسی صورتحال میں جب آپ کے پاس کوئی وکٹ باقی نہیں، تاہم مجھے خود پر اعتماد تھا کہ میں ہدف حاصل کرلوں گا۔ اپنی بھرپور کوشش کی اور اللہ نے کرم کیا کہ وہی عزت دینے والا ہے۔
نسیم شاہ نے ہنستے ہوئے کہا کہ ’مجھے اکثر آخر میں بیٹنگ کے لیے جانا پڑتا ہے کہ اس ٹینس صورتحال میں خدانخواستہ کسی دن مجھے ہارٹ اٹیک (دل کا دورہ) ہی نہ ہو جائے۔
’جیت پاکستان کے سب کرکٹ شائقین کے لیے ہے‘
نسیم شاہ نے گزشتہ روز افغانستان کو دوسرے ون ڈے میں ہرانے کے اپنے انسٹاگرام اکاؤنٹ پر ایک تصویر شیئر کی ہے جس میں اُنہیں حارث رؤف کے ہمراہ جیت کے بعد خوش ہوتے ہوئے دیکھا جا سکتا ہے۔
View this post on Instagram
فاسٹ باؤلر نسیم شاہ نے اس پوسٹ کے کیپشن میں اپنی پرفارمنس کو شاداب خان اور قومی کرکٹ ٹیم کو وقف کرتے ہوئے لکھا ہے کہ ’یہ جیت پاکستان کے سب ہی کرکٹ شائقین کے لیے ہے۔‘ انہوں نے امام الحق کو بھی سراہا ہے۔
یاد رہے کہ گزشتہ روز افغانستان کا پاکستان کے خلاف ون ڈے میچ جیتنے کا خواب پھر ادھورا رہ گیا تھا۔ سنسنی خیز مقابلے کے بعد پاکستان نے افغانستان کو ایک وکٹ سے ہرا کر 3 میچوں کی سیریز میں 2 صفر کی برتری حاصل کرلی ہے۔ افغانستان نے ون ڈے کرکٹ میں پہلی مرتبہ پاکستان کے خلاف 300 کا ہندسہ عبور کیا تھا۔
Still not over last night's incredible finish❓
Revisit the winning moments and reactions of the players after the second ODI 🤩#AFGvPAK | #BackTheBoysInGreen pic.twitter.com/ZORuk52Blj
— Pakistan Cricket (@TheRealPCB) August 25, 2023
