لاہور میں گزشتہ 24 گھنٹوں کے دوران جنسی درندوں نے 4 خواتین کو جنسی درندگی کا نشانہ بنا ڈالا۔
لاہور میں غالب مارکیٹ کے علاقے میں سوشل میڈیا پر دوستی کے بعد بیرون ملک تعلیم اور نوکری دلوانے کا جھانسہ دیگر 2 افراد نے نویں جماعت کی طالبہ کو جنسی درندگی کا نشانہ بنایا۔
پولیس کے مطابق متاثرہ طالبہ کی سوشل میڈیا پر عدنان ارشد سے دوستی ہوئی جس نے لڑکی کو بیرون ملک تعلیم دلوانے اور نوکری کا جھانسہ دیا۔ اُسے ہوٹل میں لے جا کر اپنے دوست حسین سے ملکر لڑکی کو اجتماعی زیادتی کا نشانہ بنایا۔
زیادتی کی دوسری واردات فیصل ٹاﺅن کے علاقے میں ہوئی۔ اس واردات میں بھی 2 افراد جواں سال لڑکی کو نوکری کا جھانسہ دیکر جنسی زیادتی کا نشانہ بنایا۔
پولیس کے مطابق اس جرم کے مرتکب ملزم محبوب اور اس کا ایک ساتھی ہے۔
مزید پڑھیں
زیادتی کی تیسری واردات لاہور کے علاقے مناواں میں ہوئی جہاں پیسے واپس دینے کے بہانے سفاک ملزم نے خاتون کو جنسی درندگی کا نشانہ بنایا۔
پولیس کے مطابق اس وردات میں ملک کاشی نامی ملزم نے خاتون کو اپنے دوست کے گھر بلوا کر 45 ہزار روپے واپس دینے کے بہانے جنسی درندگی کا نشانہ بنایا۔
جنسی زیادتی کی چوتھی واردات مصری شاہ کے علاقے میں ہوئی اور اس واردات میں بھی ملزم نے شادی شدہ خاتون کو نوکری کا جھانسہ دیکر جنسی درندگی کا نشانہ بنایا۔
پولیس کے مطابق سفاک ملزم لیاقت نے اپنے دوست کی بیوی کو گرلز ہاسٹل میں نوکری کا جھانسہ دیکر ایک مکان میں لے جاکر جنسی درندگی کا نشانہ بنایا۔
پولیس نے تمام واقعات کے مقدمات درج کر لیے ہیں مگر ابھی تک کوئی بھی ملزم گرفتار نہیں ہو سکا۔
