‘امریکی سفیر پاکستان میں ہر اس جگہ جارہے ہیں جہاں انہیں نہیں جانا چاہیے’

پاکستان میں امریکا کے سفیر ڈونلڈ بلوم نے سنٹرل پولیس آفس میں آئی جی پنجاب ڈاکٹر عثمان انور سے ملاقات کی جبکہ اس سے قبل امریکی سفیر مسلم لیگ (ن) کی نائب صدر مریم نواز سے بھی ملاقات کرچکے ہیں۔ سماجی رابطے کی ویب سائٹس پر ملاقات کی تصاویر اور ویڈیوز وائرل ہوئیں تو صارفین کا کہنا تھا کہ یہ اپنی نوعیت کا منفرد دورہ ہے، اس سے پہلے کسی بھی امریکی سفیر اس سطح پر ملاقاتیں نہیں کرتے تھے۔

پاکستان مسلم لیگ (ن) کے آفیشل اکاؤنٹ سے امریکی سفیر اور مریم نواز کی ملاقات کی تصاویر پوسٹ کرتے ہوئے لکھا گیا کہ امریکی سفیر ڈونلڈ بلوم کی مریم نواز سے ملاقات مری میں ہوئی۔ مریم نواز نے امریکی سفیر سے گفتگو کرتے ہوئے تجارت، معیشت، سلامتی، امن اور علاقائی استحکام سمیت باہمی تعاون کے فروغ کی اہمیت پر زور دیا۔

U.S. Ambassador to Pakistan Donald Blome met with Senior Vice President and Chief Organiser Ms. Maryam Nawaz Sharif on Sunday at her Murree Residence

During the meeting both discussed the significance of historic, longstanding bilateral ties between the two countries. They… pic.twitter.com/kRI3om7fEU

— PMLN (@pmln_org) September 3, 2023

مریم نواز سے ملاقات کے بعد امریکی سفیر نے سنٹرل پولیس آفس کا بھی دورہ کیا، جس کے بعد سماجی رابطے کی ویب سائٹ ایکس پر صارفین نے ان کو شدید تنقید کا نشانہ بنایا۔ صارف محمد عمیر نے ایک ویڈیو پوسٹ کی جس میں دیکھا جاسکتا ہے کہ امریکی سفیر آئی جی پنجاب سے مصافحہ کر رہے ہیں۔ ویڈیو پوسٹ کرتے ہوئے صارف نے لکھا کہ چیف الیکشن کمیشن اور مریم نواز کے بعد ڈونلڈ بلوم کی آئی جی پنجاب سے ملاقات۔ یہ کسی بھی امریکی سفیر کا سنٹرل پولیس آفس کا پہلا دورہ ہے۔ دفتر خارجہ الیکشن کمیشن ملاقات پر پہلے ہی اعتراض کرچکا ہے۔

چیف الیکشن کمیش،مریم نواز کے بعد ڈونلڈ بلوم کی آئی جی پنجاب سے ملاقات۔کسی بھی امریکی سفیر کا سنٹرل پولیس آفس کا یہ پہلا دورہ ہے۔ دفتر خارجہ الیکشن کمیشن ملاقات پر پہلے ہی اعتراض کرچکا ہے۔ pic.twitter.com/OFySPD8WU7

— Muhammad Umair (@MohUmair87) September 5, 2023

ویڈیو پر تبصرہ کرتے ہوئے ایک صارف نے لکھا کہ امریکی سفیر ہر اس جگہ کا دورہ کر رہے ہیں جہاں ان کو نہیں جانا چاہیے، آخر ایسا کیوں ہے؟

ڈونلڈ بلوم ہر اس جگہ جا رہا ہے جہاں اسے نہیں جانا چاہۓ آخر ایسا کیوں ہے ؟ یہ پاکستان کو اپنا جاگیر سمجھ کر ہر وہ کام کر رہا ہے جو نہیں کرنا چاہۓ۔ کونسے پیغام پہنچانے پہنچ جاتا ہے یہ بندہ ۔

— ڈاکٹر ککڑ (@Drkukar) September 5, 2023

ایک اور صارف نے لکھا کہ ڈونلڈ بلوم سے گزارش ہے کہ پاکستان کو اپنی 53ویں ریاست قرار دے کر سارا جھگڑا ختم کریں۔ ویسے بھی ہم ان کے غلام ہیں چلو پاسپورٹ بھی مل جائے

ڈونلڈ بلوم سے گزارش ہے کہ پاکستان کو اپنی 53 ویں ریاست قرار دیکر سارا جھگڑا مکائیں۔ ویسے بھی ہم انکے غلام ہیں چلو پاسپورٹ بھی مل جائے

— ینگ ڈاکٹر (@NOTsoYoungDR) September 5, 2023

صارف سرمد حمید نے لکھا پاکستان ان کا ہی ملک ہے جہاں مرضی جائیں جبکہ ایک اور صارف محمد زاہد نے لکھا ان کی حکومت ہے ان کا تو حق بنتا ہے۔

سر انکی حکومت ہے اتنا تو حق بنتا ہے انکا

— Muhammad Zahid (@MuhdZahidch) September 5, 2023

واضح رہے کہ ترجمان پنجاب پولیس کے مطابق امریکی سفیر کے ساتھ امریکی قونصل جنرل کرسٹین ہاکنز، اکنامکس آفیسر ڈگلس جونسٹن، سکیورٹی اتاشی مائیک ڈائمنڈ، سیکیورٹی ایڈوائزر صفدر علی راؤ بھی موجود تھے۔ پنجاب پولیس نے اپنے آفیشل اکاؤنٹ سے امریکی سفیر کی تصاویر پوسٹ کرتے ہوئے لکھا آئی جی پنجاب ڈاکٹر عثمان انور نے پنجاب پولیس کی ورکنگ کے بارے بریفنگ دی اور شہدا وال سمیت سی پی او کے مختلف حصوں کا دورہ کروایا۔

پاکستان میں امریکا کے سفیر ڈونلڈ بلوم کی سنٹرل پولیس آفس آمد، آئی جی پنجاب ڈاکٹر عثمان انور سے ملاقات۔ وفد میں امریکی سفارتخانے کے اعلٰی عہدیداران شامل۔
آئی جی پنجاب ڈاکٹر عثمان انور نے پنجاب پولیس کی ورکنگ بارے بریفنگ دی اور شہداء وال سمیت سی پی او کے مختلف حصوں کا دورہ کروایا۔… pic.twitter.com/x6hOOjsQ6K

— Punjab Police Official (@OfficialDPRPP) September 5, 2023

ترجمان پنجاب پولیس کے مطابق ملاقات میں پولیسنگ کے حوالے سے دو طرفہ امور اور جدید تربیت کے حوالے سے تعاون میں فروغ دینے پر بھی اتفاق کیا گیا۔