سوشل میڈیا پر 5 ہزار کے نوٹ پر پابندی کے حوالے سے خبریں گردش کر رہی ہیں، اس حوالے سے ایک نوٹیفیکیشن بھی گردش کر رہا ہے جس میں کہا گیا ہے کہ پانچ ہزار کے نوٹ صرف 30 ستمبر تک ہی چل سکتے ہیں اس کے بعد ان پر پابندی عائد کر دی جائے گی۔
فیکٹ چیک:
وزارتِ خزانہ نے 5 ہزار کے کرنسی نوٹوں پر پابندی کے نوٹیفکیشن کو جعلی قرار دے دیا۔
وزارتِ خزانہ نے گردش کرنے والے نوٹیفیکیشن کی تردید کرتے ہوئے کہا ہے کہ 5 ہزار کے کرنسی نوٹوں پر پابندی کا نوٹیفکیشن جعلی ہے۔
ان کا مزید کہنا تھا کہ وزرات خزانہ نے نوٹ بندش کا کوئی نوٹیفکیشن جاری نہیں کیا۔
وزارت اطلاعات و نشریات نے سماجی رابطوں کی سائیٹ ’ایکس‘ پر جعلی نوٹیفیکیشن کے حوالے سے پیغام جاری کرتے ہوئے کہا کہ فیک خبریں پھیلانا نہ صرف غیر اخلاقی اورغیر قانونی ہے بلکہ قوم کی بھی توہین ہے اور ایسے غیر ذمہ دارانہ رویے کو مسترد کرنا ہم سب کی ذمہ داری ہے، جعلی خبروں کو مسترد کریں۔
Disseminating #FakeNews is not only unethical and illegal but it is also disservice to the nation. It is the responsibility of everyone to reject irresponsible behavior. Reject #FakeNews pic.twitter.com/bfrLn0b2Io
— Fact Checker MoIB (@FactCheckerMoIB) September 7, 2023
نگران وزیراطلاعات و نشریات مرتضیٰ سولنگی نے کہا کہ یہ نوٹیفکیشن جھوٹا ہے اور حکومتِ پاکستان ایسے جھوٹے نوٹیفکیشن پھیلانے والوں کے خلاف سخت کارروائی کرے گی۔
This is fake. The Govt of Pakistan shall act against the people spreading this kind of fake news to create chaos.
یہ جھوٹا نوٹیفکیشن ہے۔
حکومتِ پاکستان ایسے جھوٹے نوٹیفیکیشن پھیلانے والوں کیخلاف سخت کارروائی کرے گی۔
👇 pic.twitter.com/9yU3DlM5UK— Murtaza Solangi (@murtazasolangi) September 7, 2023
واضح رہے کہ نوٹیفکیشن میں پانچ ہزار کے نوٹوں کے استعمال پر 30 ستمبر 2023 سے پابندی کا بتایا گیا تھا۔
