پشاور الیکٹرک سپلائی کمپنی ( پیسکو) کے چیف انجینیئر فضلِ ربی نے بجلی کی چوری کے خلاف خلاف زیرو ٹالرنس پالیسی اختیار کرنے کی ہدایت کی ہے۔
پشاور الیکٹرک سپلائی کمپنی ( پیسکو) کے ترجمان نے کہا ہے کہ خیبر پختونخوا میں بجلی چوروں کے خلاف کریک ڈاؤن جاری ہے جب کہ گزشتہ روز پیسکو ریجن میں 270 ڈائریکٹ کنڈے ہٹائے گئے۔
ترجمان کا کہنا ہے کہ پشاور سرکل میں 102کنڈے ہٹائے گئے ہیں جب کہ 25 کے خلاف ایف آئی آر کے لیے درخواست جمع کرا دی گئی ہے۔ خیبر سرکل میں 50 کنڈے ہٹائے گئے جب کہ 14 کے خلاف ایف آئی آر کے لیے درخواست جمع کرا دی گئی ہے۔
ترجمان کے مطابق ہزارہ 2سرکل میں 25کنڈے ہٹائے گئے جب کہ 20 کے لیے ایف آئی آر کے لیے درخواست جمع کرائی گئی ہے اسی طرح متعدد گرفتاریاں کی گئیں اور بھاری جرمانے بھی کیے گئے ہیں۔ اس کے علاوہ پیسکو کی جانب سے دیگر سرکلز میں بھی آپریشن جاری ہے۔
