کراچی میں غیرقانونی طور پر مقیم افغان باشندوں کے خلاف کریک ڈاؤن کا سلسلہ جاری ہے، پولیس نے کارروائی کے دوران 121 افغان باشندوں کو گرفتار کر لیا ہے۔
پولیس نے بتایا ہے کہ کورنگی کے مختلف علاقوں سے 45 افغان باشندے گرفتار کیے گئے ہیں، ایسٹ پولیس نے 18 افغان باشندوں کو گرفتار کیا جبکہ ویسٹ کےمختلف علاقوں سے 34 افغان باشندے فارن ایکٹ کےتحت گرفتار کیے گئے۔ سٹی پولیس نے 9 افغانیوں کو حراست میں لیا ہے۔
پولیس نے بتایا کہ ضلع ملیرمیں چھاپوں کے دوران 14 افغان باشندوں کو گرفتار کیا گیا ہے، افغان باشندوں میں مشکوک افراد کا کریمنل ریکارڈ حاصل کیا جا رہا ہے۔