پاکستان میں سیاسی جماعتوں اور سیاسی رہنماؤں کی جانب سے سوشل میڈیا کے استعمال میں اضافہ دیکھنے میں آیا ہے۔
پاکستان کے سابق صدر، شریک چیئرمین پاکستان پیپلز پارٹی آصف علی زرداری کی بیٹی اور چیئرمین پاکستان پیپلزپارٹی بلاول بھٹو زرداری کی بہن آصفہ بھٹو زرداری نے بھی ویڈیو شیئرنگ پلیٹ فارم ٹِک ٹاک پر اپنا اکاؤنٹ بنا لیا۔
انہوں نے سوشل میڈیا پلیٹ فارم ایکس پر اس حوالے سے ایک پوسٹ شیئر کی اور اپنے فالوورز کو ٹک ٹاک اکاؤنٹ فالو کرنے کا کہا اور ساتھ ہی لکھا کہ ’بالآخر میں نے ٹک ٹاک جوائن کرلیا‘۔
آصفہ بھٹو نے نئے ٹک ٹاک اکاؤنٹ پر 20سیکنڈ کی ایک ویڈیو بھی شیئر کی ہے جس کے کیپشن میں انہوں نے شہید ذوالفقار علی بھٹو کا ایک قول لکھا ’سیاست کی جنت عوام کے قدموں تلے ہے‘۔
مختصر دورانیے کی ویڈیو میں آصفہ بھٹو اور بلاول بھٹو زرداری کی عوامی رابطہ مہم کے چند شاٹس لگائے گئے ہیں جس کے آغاز میں لکھا ہوا ہے کہ ’ترقی و خوشحالی کا پیغام لیے چیئرمین بلاول بھٹو زرداری کے ساتھ شاملِ کاروان ہیں بی بی آصفہ بھٹو زرداری‘۔
آصفہ بھٹو کا ٹک ٹاک اکاؤنٹ بننے کے بعد ایک جانب جہاں ملک میں آئندہ انتخابی مہم میں سوشل میڈیا پلیٹ فارم کی اہمیت پر بات ہو رہی ہے وہیں صارفین کی جانب سے ان کا موازنہ شہید بے نظیر بھٹو سے بھی کیا جا رہا ہے۔
ایک صارف نے آصفہ بھٹو کا موازنہ شہید بے نظیر بھٹو سے کرتے ہوئے لکھا کہ ’بی بی کی تصویر آصفہ بھٹو بے نظیر‘۔
Bibi kee Tasveer Asifa Bhutto benazeer. https://t.co/daV91NnzpV
— Dr Kunpo Chauhan💚💚💚 (@Dr_KunpoChauhan) September 11, 2023
ارمان نامی صارف نے آصفہ بھٹو کی ٹِک ٹاک انٹری پر تنقید کرتے ہوئے کہا کہ سابق وزیراعظم عمران خان کو ٹک ٹاکر کہنے والے اب خود ٹِک ٹاک جوائن کر رہے ہیں لیکن تمام لوگ مل کر بھی عمران خان جتنے فالورز اکھٹے نہیں کر سکیں گے۔
عمران خان کو ٹک ٹاکر کہنے والے اب ٹک ٹاک جواٸن کر رہے ہیں۔
سارے ملکر عمران خان جتنے فالورز اکھٹے نہیں کر سکو گے۔ https://t.co/4WvHLgH2mW
— 𝒜𝓉𝓉𝒶 (@ArmanIYI) September 11, 2023
جہاں ایک طرف آصفہ بھٹو کو عمران خان کے مقابلے میں ٹِک ٹاک پر انٹری کرنے پر تنقید کا نشانہ بنایا جا رہا ہے وہیں ایک صارف کا ان کے دفاع میں کہنا تھا کہ ہماری لیڈر شپ اب سوشل میڈیا کے تمام فورمز کو استعمال کر رہی ہے جو خوش آئند ہے۔
ان کا مزید کہنا تھا کہ کیونکہ موجودہ دور میں سوشل میڈیا کی بہت زیادہ اہمیت ہےاور وہ صرف ’ایکس‘ (سابق ٹوئٹر) تک محدود نہیں بلکہ اصل مقابلہ تو فیس بک اور ٹِک ٹاک پر ہو گا۔
الحمدللہ ہماری لیڈر شپ اب سوشل میڈیا کے تمام فورم کو استعمال کر رہی ہے جو ایک خوش آئند بات ہے کیونکہ موجودہ دور میں سوشل میڈیا کی بہت زیادہ اہمیت ہے سوشل میڈیا صرف ٹویٹر نہیں ہے اصلی مقابلہ ٹاک ٹوک اور فسبک پر کرنا ہے ان ممی ڈیڈی بچوں کا 💪💪💪 https://t.co/9iYoU7E2u7
— N Khan Swati 🔥 (@nkhanswati70) September 11, 2023
سارہ نے آصفہ بھٹو کی توجہ ملک کی بگڑتی ہوئی معیشت اور عوام کی حالتِ زار کی طرف دلاتے ہوئے کہا کہ معیشت کو تیزی سے ٹھیک کرنے کی ضرورت ہے۔ ہم ہندوستان سے 30 سال جبکہ باقی دنیا سے 50 سال پیچھے ہیں۔
Need to Fix Economy quickly. We are 30 years behind India. 50 years behind rest of the world. https://t.co/aPfkIvil9z
— Sarah Faith (@SarahFaith75902) September 11, 2023
واضح رہے کہ سوشل میڈیا ویڈیو شیئرنگ ایپ پر چیئرمین تحریک انصاف عمران خان کے فالوورز کی تعداد 7.8 ملین تک جا پہنچی ہے۔
