دنیا بھر میں ٹیکنالوجی کے شوقین جس لمحے کا بے صبری سے انتظار کر رہے تھے وہ وقت آ گیا ہے۔
ایپل ایک ایسا برانڈ بن چکا ہے کہ لوگ ایپل فون کے دیوانے ہیں اور زیادہ تر لوگ اس کو خریدنا چاہتے ہیں۔
امریکی کمپنی ہر سال آئی فون کا نیا ماڈل متعارف کراتی ہے اور ایپل کا نیا فون آئی فون 15 سیریزآج یعنی 12 ستمبر کو لانچ ہونے جا رہا ہے۔ جس میں ایپل الٹرا واچ اور ایپل واچ سیریز 4 نئے ماڈلز اور رنگوں کے ساتھ 5 نئے فیچرز کو متعارف کرا رہا ہے۔
لیکن اس بار آئی فون 15 میں سب سے اہم تبدیلی چارجنگ پورٹ کی ہے۔ آئی فون کی چارجنگ پورٹ کو تبدیل کر دیا گیا ہے اور نئے آئی فون میں چارجنگ پورٹ یو ایس بی سی ٹائپ انسٹال کی گئی ہے۔ اس سے ڈیٹا ٹرانسفر مزید تیز اور بہتر ہو جائے گی۔
اس کے علاوہ نئے ماڈلز سائیلنٹ سوئچ کی جگہ ایکشن بٹن کا اضافہ کیا گیا ہے، جس کو متعدد کاموں کے لیے استعمال کیا جا سکے گا۔ اور گزشتہ ماڈلز کی نسبت ریم میں 2 جی بی کا مزید اضافہ کیا گیا ہے۔
سماجی رابطوں کی سائیٹ ’ایکس‘ پر لانچ کے حوالے سے صارفین میں دلچسپ بحث کا آغاز بھی ہو گیا ہے۔ کوئی اس کی قیمت کے بارے میں جاننا چاہتا ہے تو کوئی یہ جاننے کے لیے بے تاب ہے کہ اس نئے فون میں کیا تبدیلیاں کی گئی ہیں۔
ایک صارف نے لکھا کہ ایپل کسی بھی خصوصیت کو اس وقت تک نافذ نہیں کرتا جب تک وہ پرفیکٹ نہ ہو۔
Apple does not implement a feature until it's perfect.#AppleEvent #Apple #iPhone15ProMax #iphone15 pic.twitter.com/pzZmi6DPq8
— Sufyan khattak سفیان خٹک (@SufyanKhanKtk) September 12, 2023
صحافی خرم اقبال نے آئی فون کی بھارت میں پروڈکشن پر بات کرتے ہوئے کہا کہ ہم پاکستانی تو پھر بس سیب ہی کھائیں گے۔
ہم پھر بس سیب کھائیں۔۔!! pic.twitter.com/sTTbBuAazY
— Khurram Iqbal (@khurram143) September 12, 2023
رضوان اختر نے پاکستان میں بڑھتی ہوئی مہنگائی کی دُہائی دیتے ہوئے حکمرانوں کو تنقید کا نشانہ بنایا اور کہا کہ ہمیں کھانے کو سیب مل جائے تو یہی بہت غنیمت ہے۔
Humen saib mil jain khane ko wohi ghaneemat hai
— Rizwana Athar (@RizwanaAthar3) September 12, 2023
ایک صارف لکھتے ہیں کہ آئی فون 15 پرو کی قیمت زیادہ سے زیادہ 9 لاکھ 15 ہزار پاکستانی روپے ہے اور 2 لاکھ لوگوں نے آئی فون بُک کروا لیا ہے۔ ان کا مزید کہنا تھا کہ ہم اب بھی حکومت پاکستان کو موقع دے رہے ہیں لیکن اس کا زور تو غریب پر آئے گا۔
بیرون ملک مقیم ایک صارف نے کہا کہ 12/13 سو پاؤنڈ کا فون پاکستان پہنچ کر 6 لاکھ کا ہو جاتا ہے، انہوں نے کہا کہ میں ابھی اپنی اہلیہ کو مشورہ دیتا ہوں کہ آئی فون 14 پرو میکس پاکستان جا کر بیچ آنا اور ان پیسوں سے اپنے لیے اور میرے لیے نیا فون لے آنا۔
