پاکستان مسلم لیگ (ن) کی سینیئر نائب صدر اور چیف آرگنائزر مریم نواز شریف سے پاکستان میں آسٹریلیا کے ہائی کمشنر نیل ہاکنز نے ملاقات کی ہے۔
مسلم لیگ ن کے میڈیا سیل کے مطابق مریم نواز اور آسٹریلوی ہائی کمشنر کے درمیان ملاقات میں باہمی دلچسپی کے امور پر تبادلہ خیال کیا گیا۔
پاکستان مسلم لیگ (ن) کی سینئر نائب صدر اور چیف آرگنائزر مریم نواز شریف سے پاکستان میں آسٹریلیا کے ہائی کمشنر نیل ہاکنز کی ملاقات
مریم نواز شریف نے رائیونڈ آمد پر آسٹریلوی ہائی کمشنر کا استقبال کیا
ملاقات میں دوطرفہ دلچسپی کے امور پر تبادلہ خیال کیا گیا
پاکستان اور آسٹریلیا… pic.twitter.com/avGMB6Juel
— PMLN (@pmln_org) September 13, 2023
اس موقع پر مریم نواز نے کہاکہ پاکستان اور آسٹریلیا کے درمیان مثبت، تعمیری اور قریبی دوستانہ تعلقات خوش آئند ہیں، قدرتی آفات اور ہر مشکل میں آسٹریلیا کی حکومت اور عوام نے پاکستان کا مخلصانہ ساتھ دیا جس پر شکریہ ادا کرتے ہیں۔
چیف آرگنائزر ن لیگ نے کہاکہ آسٹریلیا میں مقیم پاکستانی دونوں ممالک کی دوستی کو مزید مضبوط بنانے میں اہم کردار ادا کر رہے ہیں، پاکستان اور آسٹریلیا کے درمیان طویل المدتی تعلقات مضبوط بنیادوں پر استوار ہیں۔
مزید پڑھیں
انہوں نے کہاکہ پاکستان مسلم لیگ (ن) آسٹریلیا کے ساتھ پاکستان کے تعلقات کو بہت اہمیت دیتی ہے، ماضی کی طرح مستقبل میں بھی دونوں ممالک کے تعلقات میں وسعت لائیں گے۔
مریم نواز نے کہاکہ تجارت، سرمایہ کاری، تعلیم سمیت مختلف شعبوں میں تعلقات کو مزید فروغ دیں گے۔
مریم نواز شریف نے آسٹریلیا میں زیر تعلیم پاکستانی طالب علموں کو سہولیات کی فراہمی پر آسٹریلوی حکومت کا شکریہ ادا کیا۔
اس موقع پر آسٹریلیا کے ہائی کمشنر نے ملاقات کے لیے وقت دینے پر مریم نواز شریف کا شکریہ ادا کیا۔ اس کے علاوہ پارٹی قیادت اور ان کے لیے نیک تمناؤں کا اظہار بھی کیا۔
