کراچی میں بھتہ خور گینگ گروہ کہاں سے آپریٹ کرتا ہے، اسپیشل انویسٹیگیشن یونٹ (ایس آئی یو) نے سراغ لگا کر بھتہ خور گروہ میں شامل ملزمان انس اور ماجد کو گرفتار کرلیا اور ملزمان کے قبضے سے بھتہ کی رقم اور اسلحہ بھی برآمد کر لیا۔
ایس ایس پی ایس آئی یو کے مطابق دیگر ملزمان کی گرفتاری کے لیے چھاپے مارے جا رہے ہیں، بھتہ خوروں نے گودھرا کالونی میں بھتہ نہ دینے پر تاجر کی دکان پر فائرنگ کی تھی اور تاجر سےانگلینڈ کے نمبر سے 50 لاکھ روپے بھتہ طلب کیا تھا۔
مزید پڑھیں
ایس آئی یو کے مطابق ارسلان پٹنی نامی کرمنل نے ایران سے بھتے کی کالز کی تھی جبکہ ارسلان کےسہولت کارانس، ماجد، عرفان اور صمد کراچی میں بھتہ جمع کرتے تھے، بھتہ کی قرم ہنڈی ٰکے ذریعے ایران بھیجی جاتی تھی۔
ایس ایس پی ایس آئی یو جنید شیخ کے مطابق ملزمان نے دھاگے کی فیکٹری سے ایک کروڑ کا بھتہ طلب کیا تھا، بھتہ نا دینے پر فائرنگ کی گئی لیکن کوئی جانی نقصان نہیں ہوا تھا۔
جنید شیخ کے مطابق ملزمان کو لیاری گینگ وار وصی اللہ لاکھو کی سرپرستی بھی حاصل ہے لیاری گینگ وار کا سرغنہ وصی اللہ لاکھو ایران میں موجود ہے اور وہیں سے نیٹ ورک چلایا جا رہا ہے۔
جنید شیخ نے بتایاکہ حوالہ ہنڈی روکنے کے لیے ایف آئی سے رابطہ کیا گیا ہے، تاہم یہ معاملہ ایف آئی اے کی ٹیم دیکھے گی۔
