جسٹس قاضی فائز عیسیٰ نے اتوار کو عدالت عظمیٰ کے 29ویں چیف جسٹس کے طور پر حلف اٹھا لیا ہے۔ صدر پاکستان ڈاکٹر عارف علوی نے ان سے ان کے عہدے کا حلف لیا۔ اس موقع پر ان کی اہلیہ سرینا عیسیٰ بھی ان کے ساتھ موجود تھیں۔
چیف جسٹس قاضی فائز عیسیٰ کے حلف لیتے ہوئے ان کی اہلیہ کے ساتھ کھڑے ہونے کی تصاویر سوشل میڈیا پر وائرل ہوئیں اور صارفین نے اس پر تبصرے کیے کسی نے صدر پاکستان عارف علوی کو تنقید کا نشانہ بنایا کہ یہ وہی صدر ہیں جنہوں نے مئی 2019 میں ان کے خلاف ریفرنس دائر کیا، اور کوئی جسٹس قاضی فائز عیسیٰ کی اہلیہ کے عدالتی ٹرائل کو یاد کرتا نظر آیا۔
رابعہ آفتاب لکھتی ہیں کہ وقت وقت کی بات ہے کبھی یہی خاتون (اہلیہ جسٹس قاضی فائز عیسیٰ) عدالتوں کے چکر لگا رہی تھیں اور عدالتی ٹرائل کے ساتھ ساتھ میڈیا ٹرائل بھی برداشت کر رہی تھیں، کبھی ان کی اسٹک کا مذاق بنایا گیا تو کبھی چال کی نقل اتاری گئی، ان کا مزید کہنا تھا کہ میں نے خود کچھ حاضر سروس افسروں کو ان کی نقل اتارتے دیکھا ہے۔
وقت وقت کی بات ہے کبھی یہی خاتون عدالتوں کے چکر لگا رہی تھی عدالتی ٹرائل کے ساتھ ساتھ میڈیا ٹرائل بھی برداشت کر رہی تھی انکی اسٹک تک کا مذاق بنایا گیا چال کی نقل اتارتے تو میں نے خود کچھ حاضر سروس افسروں کو دیکھا ہے pic.twitter.com/fGVOEULdQ7
— Rabiaftab (@rabi822) September 17, 2023
صحافی ثاقب بشیر نے کہا کہ جسٹس قاضی فائز عیسیٰ نے سپریم کورٹ کے 29 ویں چیف جسٹس آف پاکستان کا حلف اٹھا لیا جسٹس قاضی فائز عیسیٰ نے اپنی اہلیہ سرینہ عیسی کو ساتھ کھڑا کرکے حلف اٹھایا
صحافی بشیر چوہدری لکھتے ہیں کہ اللہ چاہے تو ریفرنس دائر کرنے والے صدر کو صدارت کی مدت ختم ہونے کے بعد بھی حلف لینے کے لیے روک لیتا ہے۔
اللہ چاہے تو ریفرنس دائر کرنے والے صدر کو صدارت کی مدت ختم ہونے کے بعد بھی حلف لینے کے لیے روک لیتا ہے۔
— Bashir Chaudhary (@Bashirchaudhry) September 17, 2023
صحافی نادر گورمانی کا کہنا تھا کہ چیف جسٹس قاضی فائز عیسی نے حلف لینے کے دوران اپنی اہلیہ کو اپنے ساتھ کھڑا کیا۔ قاضی فائز عیسی کی اہلیہ کو صدارتی ریفرنس کے بعد نہ صرف ایف بی آر کے چکر کاٹتے بلکہ سپریم کورٹ میں سماعت کے دوران روتے ہوئے بھی دیکھا۔
صحافی عاصمہ شیرازی نے جسٹس قاضی فائز عیسیٰ کی ان کی اہلیہ کے ساتھ تصویر شیئر کرتے ہوئے لکھا کہ کتنی شاندار تصویر ہے اور پیغام بھی۔
What an iconic pic and a message too #QaziFaezEssa pic.twitter.com/ISte50iMh4
— Asma Shirazi (@asmashirazi) September 17, 2023
رائے شاہنواز نے جسٹس قاضی فائز کے ساتھ ان کی اہلیہ کے ساتھ کھڑے ہو کر حلف لینے پر تبصرہ کیا کہ چیف جسٹس کی اہلیہ حلف اٹھاتے وقت ساتھ کیوں کھڑی ہیں؟ اس کی نظیر نہیں ملتی۔
Why is the Chief Justice's wife standing beside when he is taking oath? Something unprecedented? pic.twitter.com/J1s2mStIy1
— Rai Shahnawaz (@RaiShahnawaz) September 17, 2023
کالم نگار آصف محمود نے کہا کہ یہ چیف جسٹس آف پاکستان کا حلف تھا کوئی خاندانی تقریب نہیں تھی کہ بیگم صاحبہ ساتھ کھڑی ہوتیں۔ افسوس ہوا۔تو کیا کہیں کوئی بھی ایسا نہیں جو کچھ اچھی روایات چھوڑے۔انصاف: ساس سے بیگم تک؟
یہ چیف جسٹس آف پاکستان کا حلف تھا کوئی خاندانی تقریب نہ تھی کہ بیگم صاحبہ ساتھ کھڑی ہوتیں۔ افسوس ہوا۔تو کیا کہیں کوئی بھی ایسا نہیں جو کچھ اچھی روایات چھوڑے۔انصاف : ساس سے بیگم تک؟
اک اور دریا کا سامنا تھا منیر مجھ کو
میں ایک دریا کے پار اترا تو میں نے دیکھا— Asif Mahmood (@m_asifmahmood) September 17, 2023
سابق وفاقی وزیر احسن اقبال نےکہا کہ چیف جسٹس قاضی فائز عیسی نے حلف کی تقریب میں اپنی اہلیہ کو اپنے ساتھ کھڑا کر کے اچھی روایت قائم کی ہے۔ ان کی اہلیہ نے جس جرات اور بہادری سے اس سازش کا مقابلہ کیا جس کا مقصد چیف جسٹس کو آج کے دن سے روکنا تھا وہ نہایت قابل ستائش ہے۔
ان کا مزید کہنا تھا کہ بیشک اللہ جسے چایے عزت سے نوازتا ہے۔
چیف جسٹس قاضی فائیز عیسی نے حلف کی تقریب میں اپنی اہلیہ کو اپنے ساتھ کھڑا کر کے اچھی روایت قائم کی ہے۔ ان کی اہلیہ نے جس جرات اور بہادری سے اس سازش کا مقابلہ کیا جس کا مقصد چیف جسٹس کو آج کے دن سے روکنا تھا وہ نہایت قابل ستائش ہے۔
بیشک اللہ جسے چاھے عزت سے نوازتا ہے۔ https://t.co/oqZdEfpU52— Ahsan Iqbal (@betterpakistan) September 17, 2023
احمد وڑائچ نے دنیا کے مختلف رہنماؤں کی حلف برداری کی تصاویر شیئر کرتے ہوئے لکھا کہ شریک حیات کے ساتھ عہدے کا حلف اٹھانا کئی ممالک کی خوبصورت روایت ہے، مجھے ذاتی طور پر یہ عمل پسند ہے۔
انہوں نے مزید لکھا کہ جس خاتون/مرد نے ساری زندگی آپ کے ساتھ گزاری، اتار چڑھاؤ دیکھے، اسے ساتھ کھڑا کر لیا تو اتنی بڑی بات نہیں، بس یہ خیال رکھنا چاہیے کہ آپ نے جو حلف اٹھایا ہے اس کی پاسداری کریں۔
شریک حیات کے ساتھ عہدے کا حلف اٹھانا کئی ممالک کی خوبصورت روایت ہے، مجھے ذاتی طور پر یہ عمل پسند ہے، جس خاتون/مرد نے ساری زندگی آپ کے ساتھ گزاری، اتار چڑھاؤ دیکھے، اسے ساتھ کھڑا کر لیا تو اتنی بڑی بات نہیں، بس یہ خیال رکھنا چاہیے کہ آپ نے جو حلف اٹھایا ہے اس کی پاسداری کریں pic.twitter.com/Rv1ZsrvucP
— Ahmad Warraich (@ahmadwaraichh) September 17, 2023
واضح رہے جسٹس قاضی فائز عیسٰی کے خلاف سپریم کورٹ نے صدارتی ریفرنس تو 19 جون 2020 کو خارج کر دیا تھا لیکن بعد میں پاکستان تحریک انصاف کی حکومت نے ایک کیوریٹو ریویو (نظرثانی) دائر کیا۔ پی ٹی آئی حکومت کی رخصتی اور پی ڈی ایم حکومت آنے کے بعد وفاقی حکومت نے سپریم کورٹ سے یہ درخواست واپس لینے کی استدعا کی تھی۔
جسٹس قاضی فائز عیسٰی 17 ستمبر 2023 سے اکتوبر 2024 تک پاکستان کے 29ویں چیف جسٹس ہوں گے۔
