پاکستان کرکٹ ٹیم کے سابق کپتان شاہد آفریدی کی صاحبزادی انشا آفریدی اور پاکستان کرکٹ ٹیم کے فاسٹ بولر شاہین شاہ آفریدی کی شادی کی تقریب منگل کو کراچی میں ہوئی۔
تقریب میں قومی کرکٹ ٹیم کے کپتان بابر اعظم ، مصباح الحق اور دیگر کھلاڑیوں کے علاوہ سیاسی، سماجی، مذہبی اور اہم سرکاری شخصیات نے بھی شرکت کی۔
سوشل میڈیا پلیٹ فارم ایکس پر سابق کپتان شاہد آفریدی نے اپنی دوسری بیٹی انشا آفریدی اور داماد شاہین شاہ آفریدی کے ہمراہ خوبصورت تصاویر شیئر کیں اور بیٹی کے نام جذباتی پیغام بھی جاری کیا۔
اپنے پیغام میں انہوں نے لکھا کہ ’آیا تھا گھر میں نور ابھی کل کی بات ہے، رخصت بھی ہو رہا ہے وہ آنکھوں کے سامنے، ڈوبا ہوا بھی ہے ترے بابا کا دل مگر، امید صبح نو اسے آئی ہے تھامنے‘۔
https://twitter.com/SAfridiOfficial/status/1704257330194399688?s=20
شاہد آفریدی کی جذباتی پوسٹ اور شادی کی تقریبات کی تصاویر سوشل میڈیا پر وائرل ہو گئیں، جس پر صارفین نے نیک تمناؤں کا اظہار کیا اور ان کو دعائیں دیں۔
ایک صارف نے شاہد آفریدی کی پوسٹ پر تبصرہ کرتے ہوئے لکھا کہ بیٹی کی شادی پر والد کے دل کے جذبات۔
Father heart feelings on daughter wedding https://t.co/czmAKc7mPa
— SHAKIR ULLAH (@shakirzeb0346) September 20, 2023
ایڈووکیٹ سپریم کورٹ آف پاکستان اظہر صدیق نے شاہد آفریدی کو مبارکباد دیتے ہوئے کہا کہ ڈھیر ساری دعاؤں اور نیک تمناؤں کے ساتھ بیٹی کی رخصت مبارک ہو!!
ڈھیر ساری دعاوں اور نیک تمناؤں کے ساتھ بیٹی کی رخصت مبارک ہو!! @SAfridiOfficial https://t.co/lxQmPCqBB4
— M Azhar Siddique (@AzharSiddique) September 20, 2023
عنبرین فاطمہ شاہد آفریدی اور ان کے خاندان کے ساتھ ایک انٹرویو کو یاد کرتے ہوئے لکھتی ہیں کہ کل کی بات لگتی ہے جب میں انشاء سمیت تمام بچیوں سے ملی اورانٹرویو کیا تھا،آج انشاء ماشاءاللہ اتنی بڑی ہو گئی کہ اپنےگھرکی ہو گئی ہے، خدابخت بلند کریں، امین۔
ان کا مزید کہنا تھا کہ شاہد آفریدی ایک اچھے انسان اور باپ ہیں۔ انہوں نے اپنی بیٹیوں کی بہترین پرورش کی ہے،ان کی بچیوں میں یہ چیزہے ہی نہیں کہ وہ ایک سٹارکی بیٹی ہیں۔
ایک اور صارف ماہم گیلانی نے شاہد آفریدی کی بیٹی اور داماد کے ساتھ تصویر شیئر کرتے ہوئے لکھا کہ آج انٹرنیٹ پر سب سے خوبصورت تصویر یہ ہے۔
واضح رہے کہ شاہین آفریدی اور انشا آفریدی کا رواں برس فروری کے آغاز میں کراچی میں نکاح ہوا تھا، جبکہ ولیمہ 21 ستمبر کو اسلام آباد میں ہوگا۔