پاکستان کے نگران وزیراعظم انوار الحق کاکڑ اقوام متحدہ کی جنرل اسمبلی کے 78ویں اجلاس میں پاکستان کی نمائندگی کرنے کے لیے اس وقت نیو یارک میں موجود ہیں۔ سماجی رابطے کی ویب سائٹ ایکس پر ان کی ایک سیلفی اس وقت وائرل اور موضوع بحث ہے جو انہوں نے جنرل اسمبلی کے خطاب کے دوران لی ہے۔
جہاں صارفین ان کو تنقید کا نشانہ بنا رہے ہیں وہیں کچھ صارفین کو ان کی یہ سیلفی خوب پسند بھی آرہی ہے۔ صحافی اسما شوکت نے سیلفی پوسٹ کرتے ہوئے لکھا نائس سیلفی
nice selfie 🤳 pic.twitter.com/1qYitkMxz6
— Isma_ Shaukat (@isma_shaukat) September 20, 2023
فیکٹ چیک
نگراں وزیر اعظم انوار الحق کاکڑ نے یہ سیلفی سابق وزیر اعظم عمران خان کے دور میں بطور سینیٹر 27 ستمبر 2019کو ایکس پر پوسٹ کی تھی۔
یو این کی جنرل اسمبلی سے عمران خطاب کے دوران لی گئی سیلفی پوسٹ کرتے ہوئے انہوں نے لکھا عمران خان آپ نے سب کا سر فخر سے بلند کیا، آپ ایک سچے سیاستدان کے طور پر ابھر رہے ہیں جو امن کے خواہاں ہیں اور سب کو دکھایا کہ اگر کسی بھی آر ایس ایس کے غنڈے کی طرف سے جنگ مسلط کی گئی تو ہم آخر دم تک مزاحمت کریں گے۔
@ImranKhanPTI you made everyone proud, Pakistani rest of ummah and above all emerging as true statesman who desire peace & showed leadership that he will resist til last man if imposed war by any jingoistic RSS goon pic.twitter.com/nfegZ5KFbK
— Anwaar ul Haq Kakar (@anwaar_kakar) September 27, 2019
ابھی وائرل ہونے والی سیلفی کے حوالے سے صارفین کا کہنا تھا کہ ایسا لگتا ہے کہ کچھ عرصہ قبل انوار الحق کاکڑ کے اکاؤنٹ سے غلطی سے یہ پوسٹ کی گئی تھی جبکہ کچھ صارفین کا ماننا تھا کہ جلدی سے اس ٹویٹ کا اسکرین شاٹ لے لینا چاہیے شاید ڈیلیٹ کر دی جائے۔
