الیکشن کمیشن کی جانب سے جنوری میں عام انتخابات کے اعلان کے بعد سیاسی گہما گہمی میں اضافہ ہو گیا ہے۔ اس اعلان کے بعد سابق صدر اور پاکستان پیپلز پارٹی کے رہنما آصف علی زرداری نے پاکستان مسلم لیگ (ق) کے صدر چوہدری شجاعت حسین سے ملاقات کی ہے۔
ملاقات کے دوران دونوں رہنماؤں نے ملک کی موجودہ سیاسی و معاشی صورتحال پر تبادلہ خیال کیا۔ دونوں رہنماؤں نے ملک کی معاشی صورتحال پر گہری تشویش کا بھی اظہار کیا۔
اس ملاقات میں سابق وفاقی وزیر چوہدری سالک حسین، مسلم لیگ (ق) کے جنرل سیکرٹری پنجاب چوہدری شافع حسین اور محمد منتہا اشرف بھی شریک تھے۔
میڈیا رپورٹس کے مطابق الیکشن کمیشن کی جانب سے جنوری میں عام انتخابات کا اعلان ہونے کے چند گھنٹے بعد آصف زرداری سربراہ (ق) لیگ چوہدری شجاعت حسین سے ملنے ان کی رہائش گاہ پہنچ گئے تھے۔
