ملک کی معروف ٹک ٹاکر جنت مرزا نے اپنی سالگرہ کی تقریب کے ایک ہفتے بعد ایک اور سالگرہ منالی تاہم اس مرتبہ گزشتہ کی نسبت مہمانوں کا دائرہ تھوڑا وسیع تھا۔
جنت مرزا نے 14 ستمبر کو اپنی 23 واں یوم پیدائش منایا تھا اور اس تقریب کی دلکش تصاویر بھی وائرل کی تھیں تاہم ایک ہفتے بعد ہی دوبارہ منعقدہ کردہ فنکشن کا فوٹو شوٹ بھی ان کے مداحوں کے لیے کچھ کم دلکش نہیں ہیں۔
وہ بسا اوقات اپنے مداحوں کی خاطر اپنی تصاویر سوشل میڈیا پلیٹ کے مختلف پلیٹ فارمز پر شیئر کرتی رہتی ہیں اور شاید یہ بھی ان کی مثالی فالوونگ کی ایک بڑی وجہ ہے۔
جنت مرزا کے فالوورز ان کی تصایر بیحد پسند کرتے ہیں اور اپنے کمینٹس میں اس کا برملا اظہار بھی کرتے ہیں۔
ان کا شمار ملک کے کامیاب ترین اور مشہور ٹک ٹاکرز میں ہوتا ہے جس کا اندازہ اس بات سے لگایا جاسکتا ہے کہ ٹک ٹاک پران کے تقریباً 2 کروڑ 40 لاکھ فالوورز ہیں۔ علاوہ ازیں انسٹاگرام اکاؤنٹ پر انہیں50 لاکھ سے کچھ ہی کم افراد فالو کرتے ہیں۔
ان کی 23 ویں سالگرہ کی پارٹی کے’سیزن 2‘ میں معروف ٹک ٹاک شخصیات بشمول میشی اویس، ڈاکٹر مدیحہ اور ایم جے احسان نے شرکت کی۔
لیکن ایسا نہیں ہے کہ جنت مرزا محض تقاریب کا انعقاد اور ان کی تصاویر شیئر کرتی ہیں بلکہ وہ پیشے کے اعتبار سے ایک فیشن ڈیزائننر ہیں اور کچھ میڈیا رپورٹس کے مطابق وہ عنقریب ملک کے شاندار صنعتی شہر فیصل آباد میں اپنا ایک سیلون بھی کھولنے والی ہیں۔
