بھوک انسان کی ہو یا جانور کی اسے مٹانے کے لیے بعض دفعہ وہ کچھ بھی کھانا پڑتا ہے جسے دل کبھی قبول بھی نہیں کرتا، ایسا ہی واقعہ یونان میں پیش آیا جہاں بھیڑوں کے ایک ریوڑ نے ایک کسان کے انتہائی بدبودار ’بھنگ‘ کے کھیت کو منٹوں میں بنجر میدان میں بدل ڈالا۔
ذرائع ابلاغ میں شائع ہونے والی رپوٹس میں کہا گیا ہے کہ بھیڑوں کے ایک ریوڑ نے یونان میں ایک ہرے کھیت میں جہاں ایک کسان نے طبی استعمال کے لیے بڑے پیمانے پر ’بھنگ‘ کاشت کر رکھی تھی اسے بنجر میدان میں بدل دیا، کسان کا کہنا ہے کہ بھیڑوں نے اس کے کاشت کیے گئے 600 پاؤنڈ سے زیادہ کے بھنگ کے پودے کھا لیے جس سے اسے لاکھوں کا نقصان ہوا۔
میگنیشیا میں گرین ہاؤس کے مالک یانیس بورونس کا کہنا ہے کہ گرمی اور حالیہ سیلاب سے ان کی فصل پہلے ہی تباہ ہو چکی تھی جسے بھیڑوں کے ایک ریوڑ نے کھیت میں گھس کر اس کے پہنچنے سے پہلے ہی واپس بنجر میدان میں بدل دیا۔
ان کا کہنا ہے کہ اس کھیت میں اُگی ہوئی ’بھنگ ‘ کا تخمینہ لگایا گیا تو بھیڑوں نے 600 پاؤنڈ سے زیادہ پودے کھا لیے، ان کی نظر اُس وقت ان بھیڑوں پر پڑی جب وہ کھیت خالی کر چکی تھیں اور دیکھنے میں یہ آیا کہ وہ پھر بھی بھوک کی ماری بکریوں سے زیادہ اونچی چھلانگیں لگا رہی تھیں۔
واضح رہے کہ یونان نے 2017 میں طبی مقاصد کے استعمال کے لیے ’بھنگ‘ کی کاشت کی باقاعدہ اجازت دی تھی جس کے بارے میں متاثرہ کسان کا کہنا ہے کہ اس سال کے اوائل میں یہ اس یک ’بھنگ‘ کی پہلی فصل تھی۔
