ایشین گیمز والی بال ایونٹ میں پاکستان نے روایتی حریف بھارت کو شکست دے کر 5 ویں پوزیشن حاصل کر لی۔ یہ سنہ 1990 کے بعد پہلا موقع ہے جب قومی والی بال ٹیم نے ٹورنامنٹ کی ٹاپ 5 ٹیموں میں جگہ بنائی ہے۔
چین کے شہر ہینگزو میں جاری ایشین گیمز میں منگل کو کھیلے گئے مینز والی بال ایونٹ میں پاکستان نے شاندار کھیل پیش کرتے ہوئے بھارت کوبآسانی صفر کے مقابلے میں سے شکست دے کر پانچویں پوزیشن حاصل کرلی ،پاکستان کی جیت کا سکور 11-25، 20-25 اور 23-25 رہا۔
پاکستان کی جانب سے مراد جہاں اور مراد خان نے شاندار پرفارمنس کا مظاہرہ کیا۔ واضح رہے کہ پاکستان نے 1990 کے بعد پہلی بار ایشین گیمز میں ٹاپ 5 میں جگہ بنائی ہے۔
یاد رہے کہ قومی ٹیم کو کوارٹرفائنل میں قطر کے ہاتھوں شکست کا سامنا کرنا پڑا تھا۔
باکسنگ میں پاکستان کا شاندار آغاز
ایشین گیمز کے باکسنگ مقابلوں میں پاکستان نے فاتحانہ آغاز کیا ہے۔ پاکستان کے باکسر محمد قاسم نے 57 کلوگرام کیٹیگری میں متحدہ عرب امارات کے باکسر کو ہرادیا۔
امارات کے نواف الزاہمی کے خلاف قاسم نے صفر کے مقابلے مٰں 5 پوائنٹس سے فتح حاصل کی۔ تمام 5 ججز نے قاسم کو متفقہ طور پر فاتح قرار دیا۔
