چین میں نوجوان شادی کرنے کے بجائے اکیلے رہنے یا شادی کے بغیر ایک ساتھ رہنے کو زیادہ فوقیت دے رہے ہیں۔ حالانکہ چینی حکومت کی جانب سے نئے شادی شدہ جوڑوں کے لیے مراعات دینے کے اعلانات بھی کیے گئے لیکن پھر بھی شادی کی شرح میں اضافہ نہیں ہو سکا ہے۔
چین میں ویلنٹائن ڈے کے مساوی دن، جسے کیکسی فیسٹیول کے نام سے جانا جاتا ہے، روایتی طور پر چینی جوڑوں کے لیے شادی کے لیے ایک اچھا وقت سمجھا جاتا ہے۔
چینی قمری کیلنڈر میں ہر سال ساتویں مہینے کے ساتویں دن منایا جاتا ہے، کیکسی چینی افسانوں میں ستاروں سے کراس کرنے والے محبت کرنے والوں ژینو اور نیلانگ کے درمیان رومانوی محبت کا جشن ہے۔
ایک رومانوی دن پر رومانوی نمائش کے لیے، صوبہ سیچوان کے شہر میان یانگ میں شادی کے رجسٹریشن کے دفتر نے رواں سال 22 اگست کو ہونے والے تہوار کے دوران شادی کی رجسٹریشن کی تقریبات کو لائیو اسٹریم کیا۔
لائیو اسٹریم دیکھنے والوں کے مطابق رواں سال بہت کم جوڑے شادی کے لیے آئے، تاہم انتطامیہ نے بڑے پیمانے پر خالی شادی ہال کے بجائے، آن لائن اسٹریمنگ دیکھنے والوں کو میان یانگ شہر کے دلکش نظارے دکھائے۔
مقامی شہر کے حکام نے بعد میں ان خبروں کی تردید کی کہ اس خاص دن پر شاید ہی کوئی شادی رجسٹر کی گئی ہو۔ کیونکہ میان یانگ میں شادی کا خالی رجسٹریشن ہال چین کے سوشل میڈیا پلیٹ فارمز پر ایک ٹرینڈنگ موضوع اور چین میں شادی کی گرتی ہوئی شرح کی علامت بن گیا تھا۔
سرکاری اعداد و شمار کے مطابق جوڑوں کی شادی کو فروغ دینے کے لیے حکومتی پالیسیوں اور شادی کے حوالے سے چینی معاشرے کی روایتی توقعات کے باوجود چین میں شادی کی شرح گر رہی ہے۔
ایک اندازے کے مطابق شادیوں کی تعداد 2013 میں 1.3 کروڑ جوڑوں سے کم ہو کر 2022 میں 70 لاکھ تک رہ گئی۔
اعداد و شمار کے مطابق چین میں لوگ دیر سے شادیاں کر رہے ہیں، اور طلاق کی شرح بڑھ رہی ہے، یہاں تک کہ سنگل رہنے کا انتخاب کرنے والوں کی تعداد زیادہ ہوتی جا رہی ہے۔
چینی نوجوان کہتے ہیں کہ وہ شادی کو اپنی جدید زندگی سے مطابقت نہیں رکھتے۔
کچھ لوگ کہتے ہیں کہ ان کو سنگل رہنا پسند ہے کیونکہ ان کو آزادی ہوتی ہے کہ وہ کہیں بھی آزادی سے آ جا سکتے ہیں۔
کچھ لوگوں کا کہنا ہے کہ چین میں شادی کا سسٹم ایک طرح سے مر رہا ہے، اور عنقریب ختم ہی ہو جائے گا۔
شنگھائی سے تعلق رکھنے والے نوجوانوں کا کہنا ہے کہ شادی کرنے سے ویسے ایک ساتھ رہنا زیادہ خوشی کا باعث ہے، کیونکہ شادی کے لیے 2 خاندانوں کو ملانا پڑتا ہے، اور مہنگائی اس قدر ہے کہ بچوں کو پالنا بھی ایک مسئلہ ہے.
شادی کو فروغ دینے کے لیے رواں سال چین نے پائلٹ پراجیکٹس کا اعلان کیا، چین کے صوبہ زی جیانگ کی ایک کاؤنٹی نے گزشتہ ماہ اعلان کیا کہ اگر دلہن کی عمر 25 سال یا اس سے کم ہو تو وہ نوبیاہتا جوڑے کے لیے مراعات دینا شروع کر دے گی۔
حکام نے عوامی طور پر لوگوں کو صحیح عمر میں شادی کرنے اور بچے پیدا کرنے کی بھی ترغیب دی ہے۔ چینی مقبول ثقافت کو بھی متحرک کیا گیا ہے، یہاں تک کہ حالیہ ٹی وی شوز اور فیشن اسٹائلز شادی شدہ ہونے کی اہمیت کے گرد مرکوز ہیں۔
چینی شہریوں کا خیال ہے کہ شادی پر دی جانے والی توجہ ملک کی شرح پیدائش کو بڑھانے کے حکومتی ہدف سے جڑی ہوئی ہے۔ کیونکہ چینی معاشرے میں زیادہ تر شادی کے دوران بچے پیدا ہوتے ہیں۔
آسٹریلیا کی نیو ساؤتھ ویلز یونیورسٹی میں چینی اور ایشین اسٹڈیز کے ایک سینئر لیکچرر پین وانگ کے مطابق، ذاتی پسند کی آمد نے چینی معاشرے میں شادی کو تبدیل کر دیا ہے۔
ان کا کہنا تھاکہ شادی شدہ زندگی آج کے طرز زندگی کے بہت سے اختیارات میں سے ایک ہے، وانگ، جو گلوبلائزنگ چائنا میں محبت اور شادی کی کتاب کے مصنف ہیں، نے بتایا کہ اب چین میں ایک پوری سنگلز اکانومی موجود ہے۔
انہوں نے کہاکہ جو گھر اور گھریلو آلات کی خریداری سے لے کر پکوان کے تجربات تک، اور سنگلز کے لیے تفریح سے لے کر سولو ٹریولر پیکجز تک سب کچھ فراہم کرتی ہے، یہ سب خاص طور پر سنگلز افراد کے لیے تیار کیے گئے ہیں۔
وانگ کا کہنا تھا کہ اس سے پہلے چین میں، غیر شادی شدہ رہنے کا انتخاب کچھ لوگوں کے لیے واقعی ایک آپشن نہیں تھا۔ بہت سی شادیوں کا اہتمام والدین اور خاندانوں نے کیا تھا۔
جبکہ کمیونٹی کے بزرگوں، کام کی جگہ کے منتظمین یا اداروں کا میچ میکنگ میں ملوث ہونا بھی کوئی معمولی بات نہیں تھی۔
وانگ نے کہا کہ پہلی نسلوں کے لیے، محبت اور شادی ذاتی پسند کے بجائے اجتماعی معاملہ تھا۔
سنگاپور یونیورسٹی کے محقق زینگ نے کہا کہ آج چین میں ڈیٹنگ کا منظر پہلے سے کہیں زیادہ متنوع ہے، اور لوگ شادی کے ساتھی کو تلاش کرنے کے علاوہ بہت سی مختلف وجوہات کی بنا پر ڈیٹنگ کرتے ہیں۔
ڈیٹنگ آف لائن یا آن لائن، دوستوں، مشترکہ رابطوں، سوشل میڈیا، ڈیٹنگ ایپس یا میچ میکنگ پلیٹ فارم کے ذریعے شروع ہو سکتی ہے۔
انہوں نے کہا کہ ڈیٹنگ ایک بہت زیادہ خود سے شروع کی گئی اور خود مختار سرگرمی بن گئی ہے اور یہی وجہ ہے کہ نوجوانوں کا رجحان شادی سے ہٹ کر دیگر سرگرمیوں کی طرف بڑھتا جا رہا ہے۔
