سابق ڈائریکٹر جنرل ایف آئی اے بشیر میمن مسلم لیگ ن میں شامل ہوگئے۔
پاکستان مسلم لیگ ن کی سینیئر نائب صدر اور چیف کوآرڈینیٹر مریم نواز نے نواز شریف کے استقبال کے لیے سندھ میں 12 رکنی کمیٹی تشکیل دی ہے جس کا کنوینربشیر میمن مقرر کیا گیا ہے۔
پارٹی نوٹیفکیشن کے مطابق کمیٹی میں محمد زبیر،کھیل داس کوہستانی، نہال ہاشمی بھی شامل ہیں۔
یاد رہے کہ بشیر میمن پاکستان تحریک انصاف کے دورِ حکومت میں ایف آئی اے کے سربراہ تھے تاہم انہوں نے اپنی مدت ملازمت پوری ہونے سے پہلے ہی ریٹائرمنٹ لے لی تھی۔ پی ٹی آئی حکومت نے بشیر میمن کی پینشن روک دی تھی تاہم اسلام آباد ہائی کورٹ کے حکم پر ان کی پینشن بحال کر دی گئی تھی۔ بشیر میمن کا دعویٰ تھا کہ پی ٹی آئی چیئرمین کی جانب سے مخالفین کے خلاف ’بلاجواز‘ کیسز بنانے اور کارروائی کرنے کے احکامات نہ ماننے پر انہیں حکومتی عتاب کا سامنا کرنا پڑا۔
