آئی سی سی ایک روزہ ورلڈکپ اگلے ماہ اکتوبر میں بھارت میں کھیلا جائے گا، ورلڈ کپ کا آغاز 5 اکتوبر سے دفاعی چیمپئن انگلینڈ اور فائنلسٹ نیوزی لینڈ کے درمیان احمد آباد میں ہوگا۔ آئی سی سی نے ورلڈکپ کے لیے کمنٹیٹرز کے پینل کا اعلان کر دیا ہے جس میں 2 پاکستانی کمینٹیٹرز بھی شامل ہیں۔
آئی سی سی کی جانب سے اعلان کردہ پینل میں سابق آسٹریلوی کپتان رکی پونٹنگ، انگلینڈ کے اوئن مورگن، ناصر حسین، آسٹریلیا کے شین واٹسن، ایرون فنچ، لیزا سٹھالکر اور میتھیو ہیڈن شامل ہیں۔ پاکستان کے رمیز راجا اور وقار یونس، بھارت کے روی شاستری، سنیل گواسکر، ہرشا بھوگلے، سنجے منجریکر، دنیش کارتھک، نیوزی لینڈ کے این اسمتھ اور ویسٹ انڈیز کے این بشپ بھی کمینٹری پینل کا حصہ ہوں گے۔
مزید پڑھیں
آئی سی سی کی جانب سے اعلان کردہ کمنٹری پینل میں شان پولاک، مائیکل ایتھرٹن، انجم چوپڑا، سائمن ڈول، مپومیلیلو مبانگوا، ڈرک نینیز، سیموئیل بدری، اطہر علی خان، رسل آرنلڈ، کیس نائیڈو، مارک نکولز، نٹالی گرمانوس، مارک ہوورڈ اور این وارڈ بھی ورلڈ کپ میں کمینٹری باکس کا حصہ ہوں گے۔
