مسلم لیگ ن ( پی ایم ایل این ) کے سینیٹر افنان اللہ خان کی درخواست پر پاکستان تحریک انصاف (پی ٹی آئی ) کی لیگل ٹیم کے رکن شیر افضل مروت کے خلاف تھانہ آبپارہ میں دفعہ 506 ، 352 کے تحت مقدمہ درج کر لیا گیا ہے، سینیٹر افنان اللہ نے شیر افضل مروت کے خلاف تھانہ آبپارہ میں مقدمہ کے لیے درخواست دے رکھی تھی۔
اسلام آباد پولیس نے سماجی رابطے کی ویب سائٹ ’ایکس‘ (سابق ٹوئٹر) پر ایک پوسٹ میں تصدیق کی ہے کہ مسلم لیگ ن (پی ایم ایل این) کے سینیٹر افنان اللہ خان کی درخواست قبول کر لی گئی ہے جس میں انہوں نے ایک نجی ٹی وی پروگرام کے دوران لڑائی کرنے پر پاکستان تحریک انصاف (پی ٹی آئی) کے رہنما افضل مروت کو فریق بنایا ہے۔
مزید پڑھیں
بعد ازاں سینیٹر افنان اللہ نے گفتگو کرتے ہوئے کہا کہ میری درخواست پر تھانہ آبپارہ میں مقدمہ درج کرلیا گیا ہے،میں اس معاملہ کی مکمل اور بھرپور پیروی کروں گا، انہوں نے بتایا کہ میں نے شیر افضل مروت کے خلاف حملہ آور ہونے اور قتل کی دھمکیوں ملنے کے حوالے سے درخواست دے رکھی تھی۔
سینیٹر افنان اللہ خان کی درخواست پر تھانہ آبپارہ میں دفعہ 506 ، 352 کے تحت مقدمہ درج۔
سینیٹر افنان اللہ نے شیر افضل مروت کے خلاف اندراج مقدمہ کے لئے درخواست دی تھی۔#ICTP #Islamabad
— Islamabad Police (@ICT_Police) September 30, 2023
سوشل میڈیا پر وائرل درخواست جعلی ہے،میں نے اپنے لیٹر ہیڈ پر نہیں سادہ کاغذ پر درخواست دی تھی ۔پی ٹی آئی میرے خلاف جھوٹا پروپیگنڈا کررہی ہے۔
ادھر ترجمان اسلام آباد کیپیٹل پولیس کا کہنا ہے کہ سینیٹر افنان اللہ خان کی درخواست پر تھانہ آبپارہ میں دفعہ 506 ، 352 کے تحت مقدمہ درج کیا گیا ہے،سینیٹر افنان اللہ نے شیر افضل مروت کے خلاف اندراج مقدمہ کے لیے درخواست دی تھی۔
افنان اللہ کی طرف سے دائر درخواست میں مؤقف اپنایا گیا تھاکہ شیر افضل مروت نے نجی ٹی وی پروگرام میں مجھے مارا پیٹا، انہوں نے مجھے تھپڑ بھی مارے جس کے باعث میں نیم بے ہوش ہوکر فرش پر گر پڑا۔مجھے اپنے زخموں کا علاج کروانا پڑا میرے سر پر بھی چوٹیں آئی ہیں۔
درخواست میں مزید مؤقف اپنایا گیا تھاکہ ایک موجودہ سینیٹر کو تشدد کا نشانہ بنانا ناقابل قبول ہے،میری درخواست پر انکوائری اور ایف آئی آر درج کی جائے،سینیٹر افنان اللہ نے درخواست ایس ایس پی اسلام آباد کے نام لکھی ہے۔
