شائقین کرکٹ جہاں انتہائی پرجوش ہیں اور ون ڈے کرکٹ کے عالمی کپ کا بےصبری سے انتظار کر رہے وہیں لگتا ہے جنوبی افریقہ کے کپتان ٹیمبا باوما کچھ خاص پرجوش نہیں ہیں۔ آئی سی سی کرکٹ ورلڈ کپ 2023 کے کیپٹن ڈے کے دوران جنوبی افریقہ کے کپتان کی ایک تصویر وائرل ہو رہی ہے جس میں دیکھا جاسکتا ہے کہ وہ پریس کانفرنس کے دوران سو رہے ہیں۔
یہ ایونٹ کرکٹ ورلڈ کپ ٹورنامنٹ کے آغاز سے ایک دن قبل احمد آباد میں ہوا ۔ ویڈیوز اور تصاویر میں دیکھا جاسکتا ہے کہ جب باقی ٹیموں کے کپتان صوفے پر جوڑے کی شکل میں بیٹھے تھے، ٹیمبا باووما کرسی پر اکیلے بیٹھے تھے اور انہوں نے اس سے زیادہ سے زیادہ فائدہ اٹھانے کا فیصلہ کیا۔
تصویر وائرل ہوئی تو جہاں صارفین نے ان کو تنقید کا نشانہ بنایا وہیں کچھ صارفین نے مزاحیہ انداز میں تبصرے کر کے میمز کا انبار لگا دیا، ایک صارف نے تنقید کرتے ہوئے لکھا یہ جنوبی افریقی کرکٹ بورڈ کے لیے ٹیمبا باوما کو برطرف کرنے کے لیے کافی ہونا چاہیے۔ ان کا کپتان سلیپنگ بیوٹی ہے۔
This should be enough for the South African Cricket Board to sack the uninterested Temba Bavuma. No wonder the South African Cricket Team is going nowhere when its captain is a Sleeping Beauty.
— Granddaddy (@AlpArsl70882828) October 4, 2023
ایک اور اکاؤنٹ نے مزاحیہ انداز میں پوسٹ کرتے ہوئے لکھا دنیا رہے اپنے راستے، میں رہوں اپنی مستی میں۔
Temba Bavuma be like: Duniya rahe apne raste mein, Mein raho apni masti mein!😅
South African captain, Temba Bavuma was seen catching a quick nap during a captains' meeting!#TembaBavuma #CWC23 #WorldCup2023 pic.twitter.com/Jp1gNbT1jD
— ICC Asia Cricket (@ICCAsiaCricket) October 4, 2023
ایک اور صارف نے جنوبی افریقہ کے کپتان کی تصویر کو مزاحیہ کیپشن دیتے ہوئے لکھا مجھ سے کوئی کچھ پوچھ ہی نہیں رہا میں سو جاتا ہوں۔
Mujhse koi kuch pooch hi nahi raha so jaata hoo #ICCWorldCup2023 #icccricketworldcup2023 #tembabavuma pic.twitter.com/8iqJGVdda1
— Vivek Sahu (@Vivek_sahu_1) October 4, 2023
فیس بک پر ایک صارف نے جنوبی افریقہ کے کپتان کی تصویر پر تبصرہ کرتے ہوئے لکھا کہ جنوبی افریقہ کی ٹیم ہر اہم میچ میں ایسی ہی ہوتی ہے ، جس کا جواب دیتے ہوئے ایک صارف نے لکھا کیپٹن ڈے تو چلتا رہے گا بس نیند پوری ہونی چاہیے۔
واضح رہے کہ اس وائرل تصویر کے حوالے سے سماجی رابطے کی ویب سائٹ ایکس پر جنوبی افریقہ کے کپتان نے پوسٹ کرتے ہوئے لکھا کیمرہ اینگل کی غلطی ہے ، میں سو نہیں رہا تھا۔
I blame the camera angle, I wasn’t sleeping 🤦🏽♂️
— Temba Bavuma (@TembaBavuma) October 4, 2023
واضح رہے کہ آئی سی سی کرکٹ ورلڈ کپ کا آغاز 5 اکتوبر سے بھارت میں ہونے جا رہا ہے۔ افتتاحی میچ میں انگلینڈ اور نیوزی لینڈ آمنے سامنے ہوں گے۔
