ایف آئی اے امیگریشن نے کراچی ائرپورٹ پر کارروائی کر کے پنجاب پولیس کو سنگین جرائم میں مطلوب ملزم کو گرفتار کر لیا۔
ملزم کراچی ایئر پورٹ سے بین الاقوامی پرواز کے ذریعے فرانس فرار ہونے کی کوشش کر رہا تھا کہ ایف آئی اے امیگریشن حکام نے گرفتار کر لیا۔
ملزم عمر رضا پنجاب پولیس کو مطلوب تھا اور اس کا نام مطلوب افراد کی لسٹ میں شامل تھا، ملزم کے خلاف کینٹ پولیس اسٹیشن گوجرانوالہ میں مقدمہ درج تھا۔
ملزم کے خلاف قتل، اقدام قتل اور دہشت گردی کی دفعات کے تحت مقدمہ درج تھا۔
ایف آئی اے امیگریشن نے ملزم کو پنجاب پولیس کے حوالے کر دیا۔
