واٹس ایپ پر مصنوعی ذہانت سے اسٹیکرز بنانے اور بھیجنے کا طریقہ

فیس بک کی سرپرست کمپنی میٹا نے واٹس ایپ کے لیے مختلف مصنوعی ذہانت (اے آئی فیچرز) کی مصنوعات اور فیچرز کا اعلان کیا ہے۔ کمپنی کا دعویٰ ہے کہ نئے اے آئی فیچرز سے واٹس ایپ صارفین کو بہتر انداز میں بات چیت کرنے میں مدد ملے گی۔ ایسا ہی ایک فیچر اے آئی اسٹیکرز ہے۔

واٹس ایپ صارفین کو ایپ پر چیٹنگ کے تجربے کو بہتر بنانے کے لیے اے آئی اسٹیکرز بنانے کی سہولت دے دی ہے۔ آپ واٹس ایپ پر مصنوعی ذہانت ( اے آئی) کا استعمال کرتے ہوئے اپنے اسٹیکر بنا سکتے ہیں۔

مصنوعی ذہانت (اے آئی) کے ذریعہ تیار کیے گئے اسٹیکرز میں آپ کے لکھے گئے متن کی بنیاد پر میٹا سروس کا استعمال کیا جاتا ہے۔ ایک بار بھیجنے کے بعد ، آپ کے اے آئی اسٹیکر آپ کے اسٹیکر ٹرے میں خود بخود ظاہر ہوں گے اور آپ کے رابطے کے ساتھ (چیٹنگ کے دوران) کسی بھی وقت شیئر کیے جا سکتے ہیں۔

واضح رہے کہ اس وقت واٹس ایپ اے آئی اسٹیکرز صرف انگریزی زبان کو سپورٹ کرتے ہیں۔ لہٰذا ، اے آئی اسٹیکرز بنانے کے لیے صارفین کو انگریزی میں متن درج کرنا ہوگا۔ یہ فیچر فی الحال محدود ممالک میں دستیاب ہے، لہٰذا آپ کو چیک کرنا ہوگا کہ آیا یہ آپ کے خطے میں دستیاب ہے یا نہیں۔ اگر آپ بھی واٹس ایپ پر اے آئی اسٹیکرز بنانا چاہتے ہیں تو، درج ذیل اقدامات پر عمل کریں:

ترتیب وار طریقہ کار

1: اپنے اسمارٹ فون پر واٹس ایپ کھولیں
2: اب ایک چیٹ کھولیں
3: اس کے بعد اسمائیلی آئیکن پر ٹیپ کریں اور اس کے بعد اسٹیکر آئیکن پر ٹیپ کریں۔
4: اب تخلیق پر ٹیپ کریں اور اگر اشارہ کیا جائے تو جاری رکھیں پر ٹیپ کریں۔
5: اس کے بعد ، آپ کو ان اسٹیکرز کی تفصیل درج کرنا ہوگی جو آپ بنانا چاہتے ہیں۔
6: اس کے بعد ایپ 4 اسٹیکرز بنائے گی جو اب آپ اپنی پسند کا انتخاب کرسکتے ہیں یا کوئی بھی تبدیلی کرنے کے لیے ترمیم کرسکتے ہیں۔
7: اگر آپ کو اسٹیکر پسند ہے تو بھیجنے پر ٹیپ کریں۔