پاکستان کرکٹ ٹیم کے ڈائریکٹر مکی آرتھر نے کہا ہے کہ ورلڈ کپ آئی سی سی کا نہیں بلکہ بی سی سی آئی کا کوئی ایونٹ لگ رہا ہے۔ پاکستان اور بھارت کے میچ کی جانب اشارہ کرتےہوئے انہوں نے کہا کہ ’ ہفتہ کی رات پاکستان اور بھارت کا میچ عالمی کرکٹ کونسل (آئی سی سی) کا ایونٹ بالکل بھی نہیں لگ رہا تھا، بلکہ ایسا لگ رہا تھا کہ یہ ’بی سی سی آئی ‘ کی کوئی دو طرفہ سیریز ہے۔
Mickey Arthur: "It didn't seem like an ICC event tonight" 🗣️#INDvPAK | #CWC23 pic.twitter.com/12PdMEcs0E
— ESPNcricinfo (@ESPNcricinfo) October 14, 2023
سماجی رابطے کی ویب سائٹ ’ایکس‘ پر ان کے حوالے سے ایک پوسٹ شیئر کی جا رہی ہے جس میں ان کی احمد آباد میں پریس کانفرنس کے مندرجات شیئر کیے جا رہے ہیں۔ جس میں وہ کہہ رہے ہیں ’میں نے آج رات کہیں بھی ‘دل دل پاکستان’ کی آواز کو مائیکس سے آتے ہوئے نہیں سنا۔
Mickey Arthur said, "It didn't seem like an ICC event tonight, it seemed like a BCCI event. I didn't hear 'Dil Dil Pakistan' coming through the mics too often. I won't use this as an excuse". pic.twitter.com/uDpZqmYUI5
— Mufaddal Vohra (@mufaddal_vohra) October 14, 2023
ان کا کہنا تھا کہ میں اسے بھارت میں پاکستان کی سپورٹ نہ ہونے کو شکست کے بہانے کے طور پر استعمال نہیں کروں گا۔ خواہش ہے کہ پاکستان اور بھارت فائنل میں دوبارہ مدمقابل آئیں۔ میں اس بات کو کبھی بھی کسی بہانے کے طور پر استعمال نہیں کر رہا بلکہ میچ سے یہی ظاہر ہو رہا تھا کہ یہ ورلڈ کپ نہیں بلکہ بھارت میں کھیلی جانے والی کوئی دو طرفہ سیریز ہے۔ ہماری تمام تر توجہ اپنی کھیل پر تھی اور اس بات پر تھی کہ ہم ہندوستانی کھلاڑیوں کا مقابلہ کیسے کریں گے۔