انسداد منشیات فورس کی ملک بھر میں کارروائیاں۔ پشین سے 200 کلو ہیروئن اور 200 کلو مارفین برآمد کرلی۔کوئٹہ میں کار سے 20 کلو 400 گرام چرس نکل آئی۔
ترجمان اے این ایف کے مطابق ایک کارروائی میں گلگت ائیرپورٹ کے قریب 2 ملزمان سے 33 کلو چرس برآمد کی۔
انٹرنیشنل میل آفس راولپنڈی میں قطر کے لیے بُک کرائے گئے پارسل سے 93 گرام ہیروئین اور 88 گرام آئس نکل آئی۔
پشاور باڑہ روڈ کے قریب کار سے 43 کلو 200 گرام چرس برآمد کی گئی۔کراچی کورنگی کے قریب سے لکڑی کے ڈبوں میں چھپائی گئی 12 کلو چرس برآمد کرلی گئی۔
ترجمان اے این ایف کے مطابق گرفتار ملزمان کیخلاف انسداد منشیات ایکٹ کے تحت مقدمات درج کر لیے گئے ہیں۔
