پاکستان مسلم لیگ ن کے قائد میاں نواز شریف کی وطن واپسی سے قبل مسلم لیگ ن نے نیا ترانہ ’ہے فخر ہمارا نواز شریف‘ لانچ کر دیا ہے۔ پارٹی ترانے کی لانچنگ کے موقع پر تقریب کے انعقاد کیا گیا جس کی کچھ ویڈیوز اس وقت سماجی رابطے کی ویب سائٹ ایکس پر وائرل ہو رہی ہیں۔
صارفین نے ایک ویڈیو شئیر کی جس میں دیکھا جا سکتا ہے کہ پارٹی ترانے کی لانچنگ کے بعد سابق وفاقی وزیر مریم اورنگزیب گروپ فوٹو کے لیے سب کو بلا رہی ہیں اور کہ رہی ہیں کہ ‘سب سائیڈ پر ہو جائیں، شہباز صاحب سامنے آجائیں گروپ فوٹو ہوگا’ ۔ جس کے بعد گروپ فوٹو کے لیے مریم اورنگزیب شہباز شریف کے ساتھ کھڑی ہوتی ہیں لیکن شہباز شریف ان کو سائیڈ پر ہوجانے کا کہ کر ان کی جگہ حمزہ شہباز کو کھڑا کر دیتے ہیں۔
ویڈیو وائرل ہوئی تو صارفین نے سابق وزیر اعظم شہباز شریف کو خوب تنقید کا نشانہ بنایا ، صحافی مغیث علی نے ویڈیو پوسٹ کرتے ہوئے لکھا سب سائیڈ پر ہو جائیں، شہباز صاحب سامنے آجائیں گروپ فوٹو ہوگا، پھر گروپ فوٹو میں شہبازشریف نے مریم اورنگزیب کو سائیڈ پر کرکے حمزہ شہباز کو ساتھ کھڑا کر دیا۔
سب سائیڈ پر ہو جائیں، شہباز صاحب سامنے آجائیں گروپ فوٹو ہوگا، پھر گروپ فوٹو میں شہبازشریف نے مریم اورنگزیب کو سائیڈ پر کرکے حمزہ شہباز کو ساتھ کھڑا کر دیا۔۔۔!!! pic.twitter.com/hxtLmuPNda
— Mughees Ali (@mugheesali81) October 19, 2023
ویڈیو پر تبصرہ کرتے ہوئے صارفین کا کہنا تھا کہ مریم وفاقی وزیر رہ چکی ہیں ان کے ساتھ ایسا رویہ افسوس ناک ہے ، ایک صارف نے تبصرہ کرتے ہوئے لکھا مریم اورنگزیب کو عزت دو۔
مریم اورنگزیب کو عزت دو😀
— Eman Tahir (@EmanTahirSadik) October 19, 2023
تقریب کے دوران شہباز شریف کے سنجیدہ موڈ پر تبصرہ کرتے ہوئے ایک صارف نے پوچھا کہ شہباز شریف اتنے سنجیدہ کیوں ہیں کیا ان کو بھائی کے آنے کی خوشی نہیں ہے۔
چچا جی اتنے سنجیدہ مووڈ میں کیوں ہیں بھائی کے آنے کی خوشی نہیں ہے کیا ؟؟؟؟
— BaqiR.kaXmi (@s_m_b_k_1) October 19, 2023
واضح رہے کہ پاکستان مسلم لیگ ن کے قائد میاں نواز شریف کی وطن واپسی سے قبل استقبال کی تیاریاں زور و شور سے جاری ہیں، 21 اکتوبر کو نواز شریف اسلام آباد ایئرپورٹ پر لینڈ کرنے کے بعد لاہور کے لیے روانہ ہوں گے۔