کراچی کے میئر مرتضیٰ وہاب ابراہیم حیدری ٹاؤن کی یونین کونسل سے بلامقابلہ چیئرمین منتخب ہو گئے ہیں۔
مرتضیٰ وہاب نے بلدیاتی الیکشن میں حصہ لیے بغیر میئر کے انتخاب جیتا تھا، ایسی صورت میں سندھ لوکل گورنمنٹ ایکٹ کے تحت امیدوار کو 6 ماہ کے اندر یونین کونسل سے الیکشن لڑنا ہوتا ہے۔
ایکٹ کے تحت چیئرمین ضلع کونسل بننے کی صورت میں بھی امیدوار کو 6 ماہ میں الیکشن لڑنا پڑتا ہے۔
مرتضیٰ وہاب کو پیپلزپارٹی نے میئر کراچی کے لیے اپنا امیدوار نامزد کیا تھا اور وہ کامیاب ہو گئے تھے، اب وہ ابراہیم حیدری ٹاؤن کی یونین کونسل سے بلا مقابلہ چیئرمین منتخب ہو گئے ہیں۔
اب الیکشن کمیشن کی جانب سے مرتضیٰ وہاب کے چیئرمین یونین کونسل بننے کا نوٹیفکیشن جاری کیا جائے گا۔
