سری لنکا کی انڈر 19 کرکٹ ٹیم نے ایک روزہ سیریز کے پہلے میچ میں پاکستان کو 58 رنز سے شکست دے دی۔
پاکستان اور سری لنکا کی کرکٹ ٹیموں کے درمیان میچ نیشنل بینک اسٹیڈیم کراچی میں کھیلا گیا۔
سری لنکا نے پہلے بیٹنگ کرتے ہوئے 49.4 اوورز میں 308 رنز بنائے اور جواب میں پاکستانی ٹیم 251 رنز پر آل آؤٹ ہو گئی۔
Sri Lanka U19 are all out for 309 in 49.4 overs with Pulindu Perera top-scoring with 156 🏏
Naveed Ahmed Khan was the most prolific bowler with three wickets ☄️#PAKvSL | #PakistanFutureStars pic.twitter.com/rLphzARRm6
— Pakistan Cricket (@TheRealPCB) October 22, 2023
پاکستان کی جانب سے شامل حسین نے 98 رنز کی اننگز کھیلی جبکہ عرفات منہاس 84 رنز بنانے میں کامیاب رہے۔
سری لنکا کی جانب دینورا کالوپہانا نے 4 وکٹیں حاصل کیں جبکہ گاروکا سنکت نے 3 کھلاڑیوں کو پویلین کی راہ دکھائی۔
سری لنکن بیٹرز کی جانب سے پلندو پریرا نے 156 رنز کی شاندار اننگز کھیلی، رویشن ڈی سلوا 30، ویشن ہلمبگے 25 رنز بنا کر آؤٹ ہوئے۔
پاکستان کی جانب سے نوید احمد سری لنکا کے 3 کھلاڑٰیوں کو آؤٹ کرنے میں کامیاب رہے جبکہ احمد حسین، محمد ابتسام اور عرفات منہاس نے 2،2 وکٹیں حاصل کیں، اس کے علاوہ علی رضا ایک وکٹ لینے میں کامیاب رہے۔