پاکستان نے ابابیل ویپن سسٹم کے بعد غوری ویپن سسٹم کا بھی کامیاب تجربہ کیا ہے۔
پاکستان کے شعبہ تعلقات عامہ آئی ایس پی آر کے مطابق پاکستان نے غوری ویپن سسٹم کا کامیاب تجربہ کیا ہے جس کا مقصد آرمی اسٹریٹجک فورسز کمانڈ کی آپریشنل اور تکنیکی تیاری کو جانچنا تھا۔
غوری ویپن سسٹم کی لانچنگ تقریب میں کمانڈر آرمی اسٹریٹجک فورس کمانڈ (ASFC)، اسٹریٹجک فورسز کے سینئر افسران، اسٹریٹجک تنظیم کے سائنسدانوں اور انجینئرز نے شرکت کی۔
🚨#ISPR#Pakistan today successfully conducted Training Launch of Ghauri Weapon System aimed at testing the operational and technical readiness of Army Strategic Forces Command.@OfficialDGISPR #PakistanArmy
The launch was witnessed by Commander Army Strategic Force Command… pic.twitter.com/vbxxgsMngL
— Pakistan Armed Forces News 🇵🇰 (@PakistanFauj) October 24, 2023
اس موقع پر کمانڈر اے ایس ایف سی نے آرمی اسٹریٹجک فورسز کی تربیت کے معیار اور آپریشنل تیاریوں کو سراہا، جس کی عکاسی میدان میں ہتھیاروں کے نظام کی مہارت اور آپریشنل اور تکنیکی مقاصد کے حصول سے ہوتی ہے۔
کمانڈر اے ایس ایف سی نے پاکستان کی اسٹریٹجک صلاحیت کو بڑھانے کے لیے سائنسدانوں اور انجینئرز کے تعاون کو بھی سراہا۔
صدر مملکت عارف علوی، نگراں وزیراعظم انوار الحق کاکڑ، آرمی چیف جنرل سید عاصم منیز اور سروسز چیفس نے غوری ویپن سسٹم کے کامیاب تجربے پر پاک فوج کے جوانوں، سائنسدانوں اور انجینئرز کو مبارکباد دی ہے۔
واضح رہے کہ پاکستان نے 5 دن قبل ابابیل ویپن سسٹم کا کامیاب تجربہ کیا ہے اور اب غوری ویپن سسٹم کا کامیاب تجربہ بھی کرلیا ہے۔
