الفابیٹ انک کے ماتحت ادارے گوگل نے غزہ پر اسرائیل کی جانب سے ممکنہ زمینی حملے سے قبل اسرائیل اور غزہ کی پٹی میں رواں ٹریفک کے حالات سے آگاہ رکھنے والی میپس اور ویز ایپس کو غیر فعال کردیا ہے۔ گوگل کے مطابق یہ فیصلہ اسرائیلی فوج کی درخواست پر کیا گیا ہے۔
میڈیا رپورٹ کے مطابق گوگل اسرائیل اور غزہ میں ریئل ٹائم کراؤڈنگ ڈیٹا کو اسرائیل ڈیفنس فورسز کی درخواست پر ہٹا رہا ہے، اس معاملے کی معلومات رکھنے والے ایک باوثوق شخص کے مطابق، متاثرہ علاقے میں لائیو ٹریفک کی معلومات اسرائیلی فوجیوں کی نقل و حرکت کو ظاہر کر سکتی ہے۔
گوگل کے ترجمان نے اپنے ایک بیان میں بتایا ہے کہ گزشتہ تنازعات کے باعث پیدا صورتحال میں کی طرح اور خطے میں بدلتی ہوئی صورتحال کے جواب میں، ہم نے مقامی کمیونٹیز کی حفاظت کے پیش نظر ٹریفک کی براہ راست معلومات تک رسائی کو عارضی طور پر غیر فعال کر دیا ہے۔
یہ بات قابل غور ہے کہ گوگل میپس کی جانب سے کسی مخصوص علاقے میں اس خصوصیت کو غیر فعال کرنے کا یہ پہلا واقعہ نہیں ہے، اس نوعیت کی کارروائی 2022 میں یوکرین میں بھی کی گئی تھی، جس میں ریئل ٹائم گاڑیوں اور پیدل ٹریفک کے ڈیٹا کو غیر فعال کر دیا گیا تھا۔
Bloomberg:
Google is disabling live traffic conditions in Israel and the Gaza Strip for its Maps and Waze apps at the request of the Israeli military, ahead of a potential ground invasion into Gaza. pic.twitter.com/t77b2f2R4g
— Clash Report (@clashreport) October 24, 2023
گوگل کے ترجمان کے مطابق اگرچہ میپس اور ویز حقیقی وقت میں ٹریفک نہیں دکھائیں گے، تاہم نیویگیشن سسٹم استعمال کرنے والے ڈرائیوروں کو آمد کے متوقع اوقات موصول ہوتے رہیں گے جو کہ لائیو حالات پر مبنی ہیں۔
اس پیش رفت کی سب سے پہلے اطلاع دینے والی اسرائیلی ٹیک سائٹ گیگ ٹائم کے مطابق ایپل انک کی میپس ایپلی کیشن نے بھی اسرائیلی فوج کی درخواست کی تعمیل کرتے ہوئے براہ راست ریئل ٹائم ٹریفک معلومات اسرائیل اور غزہ کی پٹی میں معطل کردی ہیں۔
عسکریت پسند فلسطینی گروپ حماس کے حملوں کے بعد اسرائیل نے جنوبی اسرائیل میں 14 سو سے زائد ہلاکتوں اور 2 سو سے زائد اسرائیلی شہریوں کو یرغمال بنائے جانے کے بعد 3 لاکھ سے زائد ریزروسٹ کو ہنگامی بنیادوں پر طلب کرلیا ہے۔
اسرائیلی فوج غزہ پر زمینی حملے کا اشارہ دے چکی ہے، جس پر عالمی رہنماؤں کی جانب سے شدید ردعمل میں شہریوں کی ہلاکتوں کے خطرے سے خبردار کیا گیا تھا۔ امریکی صدر جو بائیڈن نے کہا کہ انہوں نے گزشتہ ہفتے اسرائیلی وزیر اعظم بنجمن نیتن یاہو سے ملاقات کے دوران زمینی جنگ کے ’متبادل‘ کے بارے میں دریافت تھا۔
