‘آپ کو سیاست کا تو پتہ نہیں اور کرکٹ کا تو سرے سے پتہ نہیں ہے’، فواد چودھری کو کرکٹ پر تبصرہ کرنا مہنگا پڑ گیا

پاکستان کرکٹ ٹیم اس وقت کرکٹ ورلڈ کپ میں شرکت کے لیے بھارت میں موجود ہے جہاں ان کی کارگردگی انتہائی مایوس کن ہے ۔ گزشتہ روز افغانستان سے اپ سٹ شکست کے مداحوں سمیت سابق کرکٹرز نے ٹیم کو خوب آڑے ہاتھوں لیا، کسی نے بری فٹنس کو وجہ قرار دیا تو کسی کا کہنا تھا کہ بہت زیادہ لائم لائٹ مل جانے کی وجہ سے ٹیم کی کارگردگی انتہائی مایوس کن ہے۔

جہاں کھلاڑیوں پر تنقید کی جارہی ہے وہیں سماجی رابطوں کی ویب سائٹس پر قومی کرکٹ ٹیم کے کپتان بابر اعظم کو کپتانی سے ہٹانے کی مہم بھی زور پکڑتی جا رہی ہے ، صارفین اور تجزیہ نگاروں کا ماننا ہے کہ بابر اعظم کھلاڑی تو ورلڈ کلاس ہیں لیکن کپتانی ان کے بس کی بات نہیں ہے۔

اسی حوالے سے سابق وفاقی وزیر فواد چودھری  نے ایکس پر بابر اعظم کے حق میں پوسٹ کی تو صارفین نے ان کو خوب آڑے ہاتھوں لیا، فواد چودھری نے لکھا پاکستان کو بابر اعظم کو کپتان رکھنا چاہیے، یہ ٹیم بہترین ٹیم ہے،ہمیں ڈومیسٹک اسٹرکچر پر توجہ دینے کی ضرورت ہے۔

انہوں نے مزید لکھا پاکستان کے پاس اسپنرز اور لوئر آرڈر بلے بازوں کی کمی ہے۔ ہماری پاس کوئی ایسا کھلاڑی نہیں ہے جو بابر کی برابری کر سکے، سرفراز کو اب ریٹائر ہو جانا چاہیے اور رضوان کے پاس ٹیم کی قیادت کرنے کے لیے ابھی وہ بیلنس نہیں ہے۔

Pak should keep Baber as Captain, this team is best team available, instead of knee jerk reactions we need to focus on domestic structure … pak lacks spineers and lower order batsman…. There is no debth in the team and that’s the real issue…. No one can come close to Baber in…

— Ch Fawad Hussain (@fawadchaudhry) October 25, 2023

فواد چودھری کی پوسٹ کرنے کی دیر تھی کہ صارفین نے تبصروں کا ایک طوفان برپا کردیا ، کسی نے بابر اعظم کو تنقید کا نشانہ بنایا تو کسی نے فواد چودھری کو آڑے ہاتھوں لیا، ایک صارف نے مشورہ دیتے ہوئے لکھا سر آپ سیاست پر دھیان دیں۔

Sir politics par dehaan den ap

— ٰImran Siddique (@imransiddique89) October 25, 2023

بابر اعظم کے حق میں پوسٹ کرنے پر ایک صارف نے فواد چودھری کے بارے میں لکھا انہوں نے سوچا ہوگا ہر طرف سے تنقید ہورہی ہے بابر اعظم کے حق میں ٹویٹ کردیتا ہوں لوگ مجھے بھی سپورٹ کرنے لگ جائیں گے۔

"Har taraf se gaaliyaan mil rhi hein thoda babar k support mein tweet krdeta hoon log mujhe b support krne lag jaayenge"

— IЯFΛ𓆩♡𓆪 (@Irfa17x) October 25, 2023

بابر اعظم کے حق میں تبصرہ کرتے ہوئے ایک صارف نے لکھا بابر ایک اچھا کپتان اور ساتھ ہی ایک ورلڈ کلاس سٹار کھلاڑی ہے۔ تنقید ہمارے لوگوں کا وطیرہ ہے۔

https://twitter.com/IQbalMarwat10/status/1717081372785795209

ایک اور صارف نے لکھا بورڈ میں تبدیلیاں استحکام سے آئیں گی یا تبدیلیوں سے استحکام آئے گا؟

بورڈ میں تبدیلیاں استحکام سے آئینگی یا تبدیلیوں سے استحکام آئیگا؟

— Rashid Raheem (@rashidraheem531) October 25, 2023

ایک صارف نے فواد چودھری کو تنقید کا نشانہ بناتے ہوئے لکھا آج پتہ چلا خان صاحب کو آپ کی بالکل بھی سننی نہیں چاہیے تھی۔ آپ کو سیاست کا تو پتہ نہیں اور کرکٹ کا تو سرے سے پتہ نہیں۔ رضوان نے تین ڈومیسٹک جتائے ہیں ۔ تین بار پی ایس ایل کے فائنل تک پہنچا۔ ایک ٹرافی اُٹھائی۔ بابر پریشر میں صیحح فیصلے نہیں لیتا۔ یہ فارغ ٹیم ہے اور بہت اچھے لڑکے ہیں۔

https://twitter.com/Anwarbabar/status/1717101230084747679

واضح رہے کہ ایک روزہ انٹرنیشنل میچ میں افغانستان کی ٹیم نے پہلی بار پاکستانی ٹیم کو ہرایا ہے جس کے بعد سے سوشل میڈیا پر صارفین پاکستان کرکٹ ٹیم کو شدید تنقید کا نشانہ بنا رہے ہیں۔