ترکیہ میں ریسکیو آپریشنز مکمل کرنے کے بعد پاکستان ریسکیو ٹیم لاہور پہنچ گئی
پاک فوج کی اربن سرچ اور ریسکیو ٹیم زلزلے کے بعد ریسکیو آپریشن مکمل کر کے وطن واپس پہنچ گئی ہے۔
پاک فوج کے 35 افراد پر مشتمل دستہ ترکیہ میں ریسکیو آپریشن کے بعد لاہور ایئر پورٹ پر واپس پہنچا، پاک فوج کی ریسکیو ٹیموں نے مجموعی طور پر 91 سائٹس کو سرچ کیا جبکہ 39 مقامات پر ریسکیو آپریشن میں اپنی پیشہ ورانہ صلاحتوں کے جوہر دیکھائے ، شب و روز کاوشوں سے 8 افراد کو زندہ بچا لیا گیا جن میں چھوٹے بچے بھی شامل تھے ۔
اس کے علاوہ 5 دیگر زندہ افراد کی نشاندہی پر دوسری ریسکیو ٹیموں کی امداد سے ان افراد کو بھی بحفاظت زندہ نکال لیا گیا، پاک فوج کی ریسکیو ٹیم نے 138 ملبے تلے جاں بحق افراد کو ریکور کرکے ترکیہ انتظامیہ کے حوالے کیا۔
ریسکیو ٹیم نے 2 سائٹس کو خیمہ بستی کیلئے مکمل کلیئر کیا ، پاک فوج کی اربن اور ریسکیو ٹیم کو بین الاقوامی اور ترکیہ کے مقامی چینلز نے بھی پزیرائی دی۔
وطن واپسی کے موقع پر ترکیہ ایئرپورٹ سے تالیوں کی گونج میں پاکستان کی ریسکیو ٹیموں کو واپس پاکستان روانہ کیا۔
ترک واقعی ایک زندہ قوم ہے۔۔ پورا ائیرپورٹ تالیوں سے گونج اٹھا۔ ترکیہ میں ریسکیو آپریشنز مکمل کرنے کے بعد پاکستان ریسکیو ٹیم لاہور پہنچ گئی،ترک صدر رجب طیب ایردوان کا ریسکیو ٹیموں کا خصوصی شکریہ ادا کیا، ترک عوام نے بھی شاندار خراج تحسین پیش کیا گیا۔ pic.twitter.com/chw8jR0q2e
— Ahsan Ansari (@AhsanAnsari110) February 24, 2023