بھارت میں جاری آئی سی سی مینز کرکٹ ورلڈ کپ کا 24 واں میچ گزشتہ روز ارون جیٹلی کرکٹ اسٹیڈیم، نئی دہلی میں کھیلا گیا۔ میچ میں آسٹریلیا نے نیدر لینڈز کے خلاف 309 رنز سے تاریخی فتح حاصل کی۔
آسٹریلوی بیٹر گلین میکسویل نے نیدر لینڈز کے خلاف میچ میں آئی سی سی مینز ورلڈ کپ کی تاریخ کی تیز ترین سینچری اسکور کی۔
رواں ورلڈ کپ میں بی سی سی آئی کی جانب سے تماشائیوں کے لیے میچ کے دوران ’لائٹ شو‘ کا بندوبست کیا گیا ہے۔ ہر میچ کے دوران چند سیکنڈز کے لیے اسٹیڈیم کی فلڈ لائٹس کو مکمل بند کردیا جاتا ہے اور گراؤنڈ کو برقی قمقموں سے سجا دیا جاتا ہے جو کہ دیکھنے میں دلکش منظر پیش کرتا ہے۔
Arun Jaitley Stadium today’s match lights show 😍. #AUSvsNED pic.twitter.com/9hUutVNm93
— Sports Addict (AJ) (@AJpadhi) October 25, 2023
آسٹریلوی بیٹر گلین میکسویل نے میچ کے دوران ہونے والے لائٹ شو پر تنقید کرتے ہوئے اس آئیڈیا کو انتہائی فضول قرار دے دیا۔
مین آف دی میچ ایوارڈ حاصل کرنے کے بعد گلین میکسویل نے میچ کے دوران ہونے والے ’لائٹ شو‘ کے بارے میں بات کرتے ہوئے کہا کہ یہ شائقین کے لیے ایک زبردست آئیڈیا ہے لیکن گراؤنڈ پر موجود کھلاڑیوں کے لیے یہ ایک انتہائی خوفناک عمل ہے۔
Glenn Maxwell said, “lightshow is a horrible idea. It takes a while for eyes to readjust and it’s the dumbest idea for cricketers. Definitely it’s great for the fans, but horrible for the players”. pic.twitter.com/zo7N39TzJC
— Mufaddal Vohra (@mufaddal_vohra) October 25, 2023
ان کا مزید کہنا تھا کہ یہ ایک عجیب سا عمل ہوتا ہے جس سے آنکھیں جھنجھلا جاتی ہیں اور سر میں درد ہونے لگتا ہے آپکو اپنے آپ کو نارمل کرنے کے لیے کچھ وقت درکار ہوتا ہے۔
گلین میکسویل کا کہنا تھا کہ ایسا لائٹ شو بگ بیش لیگ کے دوران پرتھ کرکٹ اسٹیڈیم میں بھی ہوا تھا جو کہ مجھے بالکل پسند نہیں ہے۔ یہ روشنی انتہائی تیزی کے ساتھ آپ کی آنکھوں میں لگتی ہے میں نے اس سب سے بچنے کے لیے اپنی آنکھوں پر ہاتھ رکھ لیے تھے تاکہ جتنا ممکن ہو سکے ان برقی قمقموں کی روشنی سے بچت ہو سکے
آسٹریلوی اوپننگ بیٹر ڈیوڈ وارنر نے گلین میکسویل سے اختلاف کرتے ہوئے ایکس پر اپنی پوسٹ میں لکھا کہ ’مجھے میچ کے دوران ہونے والا لائٹ شو بہت پسند ہے۔ یہ صرف اور صرف تماشائیوں کے لیے ہے‘۔
I absolutely loved the light show, what an atmosphere. It’s all about the fans. Without you all we won’t be able to do what we love. 🙏🙏🙏 https://t.co/ywKVn5d5gc
— David Warner (@davidwarner31) October 25, 2023
انہوں نے مزید کہا کہ تماشائیوں کے بغیر ہم وہ سب نہیں کر سکتے جو ہم کرنا چاہتے ہیں۔
