اسلام آباد اور گرد و نواح میں زلزلے کے جھٹکے

اسلام آباد سمیت ملک کے مختلف حصوں میں ایک بار پھر زلزلے کے جھٹکے محسوس کیے گئے۔ ریکٹر سکیل پر زلزلے کی شدت 4 اعشاریہ 1 ریکارڈ کی گئی۔زلزلے کا مرکز تاجکستان کے ساتھ چین کا کا بارڈر تھا۔گزشتہ 24 گھنٹوں میں دوسری بار زلزلہ آیا۔

وفاقی دارالحکومت سمیت ملک کے مختلف علاقوں میں صبح سویرے 6 بجکر 6 منٹ پر زلزلےکےجھٹکے محسوس کیے گئے۔ زلزلہ پیما مرکز کے مطابق ریکٹر اسکیل پر زلزلے کی شدت 4.1 ریکارڈ کی گئی جبکہ مرکز تاجکستان کے ساتھ چین کا بارڈر اور گہرائی 150 کلو میٹر تھی۔

زلزلہ پیما مرکز کے مطابق زلزلے کے جھٹکے۔راولپنڈی۔ہری پور سمیت ملک کے مختلف علاقوں میں محسوس کیے گئے۔ تاہم زلزلے سے کسی قسم کے نقصان کی اطلاعات موصول نہیں ہوئیں۔

زلزلے کے خوف سے لوگوں میں خوف و ہراس پھیل گیا اور کلمہ طیبہ کا ورد کرتے ہوئے گھروں سے باہر باہر نکل آئے۔واضح رہے کہ گزشتہ 24 گھنٹے میں دوسری بار زلزلہ آیا ہے۔گزشتہ روز آنیوالے زلزلے کی شدت 6 اعشاریہ 5 ریکارڈ کی گئی تھی۔