پاکستان کرکٹ ٹیم اس وقت بھارت میں آئی سی سی مینز کرکٹ ورلڈ کپ کے لیے موجود ہے جہاں ان کی کارگردگی انتہائی مایوس کن ہے۔ خراب پرفارمنس پر جہاں شائقین کرکٹ نے کرکٹ ٹیم کو تنقید کا نشانہ بنایا وہیں سابق کھلاڑی بھی آئے روز ٹی وی چینلز اور سماجی رابطوں کی ویب سائٹس پر کھلاڑیوں کو خوب آڑے ہاتھوں لے رہے ہیں۔
افغانستان سے شکست کے بعد سابق کپتان وسیم اکرم نے جہاں پوری ٹیم کو تنقید کا نشانہ بنایا وہیں کپتان بابر اعظم کو بھی خوب کھری کھری سنا ڈالی جس کے بعد سابق کھلاڑی عامر سہیل بابر اعظم کے دفاع میں سامنے آگئے اور وسیم اکرم کو تنقید کا نشانہ بنا ڈالا۔
نجی ٹی وی سے گفتگو کرتے ہوئے عامر سہیل نے کہا کہ جب بابر اعظم کراچی کنگز کے کپتان تھے تب وسیم اکرم نے ان کو کیوں کچھ نہیں سکھایا؟ بابر کو اس کمیٹی نے پاکستان کا کپتان مقرر کیا جس میں وسیم اکرم اور مصباح الحق شامل تھے۔
عامر سہیل کا مزید کہنا تھا کہ پی سی بی نے بابر کو خاطر خواہ اعتماد نہیں دیا اور ان بیانات پر ان کی حمایت نہیں کی۔
'Why didn't Wasim Akram teach Babar Azam when he was captain of Karachi Kings? Babar was appointed captain of Pakistan by a committee which had Wasim Akram and Misbah Ul Haq in it. The PCB didn't give Babar enough confidence and didn't back him with statements' – Aamir Sohail 👀… pic.twitter.com/UU6Z8xagmT
— Farid Khan (@_FaridKhan) October 26, 2023
عامر سہیل کے بیان پر تبصرہ کرتے ہوئے ایک صارف نے لکھا عامر سہیل ٹھیک کہ رہے ہیں ، ہمیں اپنی ٹیم کو سپورٹ کرنا چاہیے، ایسے مسائل کو اٹھانا بالکل بیکار ہے جو ورلڈ کپ کے بعد یا اس سے پہلے بھی اٹھائے جا سکتے تھے۔ ٹورنامنٹ کے اختتام کا انتظار کریں۔
He is right. We should now support team. It is quite useless to raise issues which could have been taken up after or even before the world cup. Let's wait for end of tournament .
— Zulfiqar Ali Langah (@Xulfiie) October 26, 2023
ایک اور صارف نے عامر سہیل کو تنقید کا نشانہ بناتے ہوئے لکھا اب ہر کوئی پی سی بی کا سربراہ بننا چاہتا ہے، عامر سہیل نے بابر کو سکھانے کی کوشش کیوں نہیں کی سابق کپتان ہونے کے ناطے یہ ان کا فرض تھا۔
Now everyone wants to be PCB chief….why dint Aamir tried to teach Babar..after all its world cup and it was his duty being a former captain…but na ji ..jab tak post nahi doge tab tak hamne kya lena
— Ankit Khanna (@ankit_khanna) October 26, 2023
صارفین کا کہنا تھا کہ اس وقت ہمیں اپنی ٹیم کو سپورٹ کرنے کی ضرورت ہے ، یہ سب باتیں ورلڈ کپ کے بعد ہوسکتی ہیں۔
