آئی سی سی مینز ون ڈے ورلڈکپ میں افغانستان نے سری لنکا کو 7 وکٹوں سے شکست دے کر ایونٹ میں تیسری فتح حاصل کرلی اور سیمی فائنل کی دوڑ میں شامل ہوگیا۔
سری لنکا کی ٹیم پہلے بیٹنگ کرتے ہوئے 241 رنز بناکر آؤٹ ہوگئی تھی جواب میں افغانستان نے سری لنکا کا 242 رنز کا ہدف تین وکٹوں کے نقصان پر حاصل کرلیا۔
رواں ورلڈ کپ میں افغان کرکٹ ٹیم 03 بڑے اپ سیٹ کر چکی ہے، انہوں نے پاکستان سمیت دفاعی چیمپئن انگلینڈ اور سری لنکا کو شکست دے دی ہے۔
آج کے میچ کے دوران افغان کرکٹ ٹیم کے ہدف کے تعاقب کے لیے پلان کی ایک تصویر سوشل میڈٰیا پر وائرل ہو رہی ہے۔ تصویر میں دیکھا جا سکتا ہے کہ سری لنکن کوچ نے ایک سفید بورڈ پر ہدف کے تعاقب کا پلان لکھا ہوا ہے۔
پلان کے مطابق افغان ٹیم نے اننگز کے پہلے 10 اوورز میں 50 رنز بنانے ہیں جبکہ 20 اوورز میں 100 رنز مکمل کرنا ہے۔ اسی طرح 30 اوورز میں 150 جبکہ 40 اوورز میں 200 رنز مکمل کرنا تھے جبکہ 48 ویں اوور میں ہدف مکمل کرنا تھا اور پھر افغان ٹیم نے اپنے مقررہ اوور سے بھی 02 اوورز پہلے یعنی 46 ویں اوور میں ہدف مکمل کر لیا۔
سوشل میڈیا پر ان کی آج کی کارکردگی اور ہدف کے تعاقب میں بنائے گئے پلان کی تعریفیں ہو رہی ہیں
اسپورٹس صحافی فرید خان نے یہ بورڈ کی تصویر ایکس پر شیئر کرتے ہوئے اپنی پوسٹ میں لکھا کہ افغانستان نے سب کچھ پہلے سے پلان کر رکھا تھا، انہوں نے ایسا پہلے پاکستان اور آج سری لنکا کے خلاف کیا۔ سب کچھ بورڈ پر لکھا ہے۔
Afghanistan planned everything beforehand! They did it against Pakistan too and now doing it against Sri Lanka tonight. Everything written on the board 👏🏽👏🏽 #SLvBAN pic.twitter.com/nQRbiRkhA4
— Farid Khan (@_FaridKhan) October 30, 2023
ایک اور اسپورٹس صحافی جونز نے ایکس پر بورڈ کی تصویر شیئر کرتے ہوئے لکھا کہ افغانستان نے ایشیا کپ میں سری لنکا کے خلاف شکست سے سبق سیکھا ہے۔ افغانستان کی کرکٹ اُبھر کر سامنے آرہی ہے۔
This picture shows everything about the planning of Afghanistan, they learned the lesson after the Asia Cup when they messed up the chase & calculation during the Sri Lanka match but in this World Cup they chase down 283 vs PAK & 242 vs SL.
– Afghanistan cricket is rising…!!! pic.twitter.com/woKCRjDEO1
— Johns. (@CricCrazyJohns) October 30, 2023
ایک اور ایکس صارف نے اپنی پوسٹ میں لکھا کہ افغانستان کی ٹیم نے اپنی گیم میں شاندار بہتری لائی ہے۔ اگر انہوں نے بنگلہ دیش جتنے میچز کھیلے ہوتے تو ان کا شمار آئی سی سی ایونٹ جیتنے والی ٹیموں میں ہوتا۔
In recent times, Afghanistan’s cricket team has shown remarkable improvement. If they had the same number of matches as Bangladesh played in the last decade, they could have been potential winners of any ICC tournaments.
— CricXtra (@CricXtra_) October 30, 2023
واضح رہے کہ رواں برس ہونے والے ایشیا کپ کے دوران کرکٹ قوانین سے بے خبری افغان ٹیم کو لے ڈوبی تھی کیونکہ سری لنکا نے پہلے بیٹنگ کرتے ہوئے 8 وکٹوں پر 291 رن بنائے، افغانستان کے بیٹر سمجھتے رہے کہ 292 رن کا ہدف انہیں ہر حال میں 37 اعشاریہ 1 اوورز میں حاصل کرنا ہے۔
کسی نے بھی بیٹرز کو نہ بتایا کہ اگر37 اعشاریہ 4 اوورز تک 295 رن بنالیے تو بھی افغانستان سپر فور کیلئے کوالیفائی کرجائے گا، افغانستان کی ٹیم 289 رن بناکر آؤٹ ہوگئی تھی۔