کرکٹ ورلڈکپ میں 205 رنز کے ہدف کے تعاقب میں پاکستان کی بنگلہ دیش کے خلاف بیٹنگ جاری ہے جس میں اوپننگ بلے باز فخر زمان اور عبد اللہ شفیق عمدہ کارگردگی کا مظاہرہ کر رہے ہیں۔
مسلسل مایوس کن کارگردگی کا مظاہرہ کرنے کے بعد فخر زمان کو قومی ٹیم کے پچھلے تین میچز میں موقع نہیں دیا گیا جبکہ آج ان کو اوپننگ بلے باز امام الحق کی جگہ ٹیم میں شامل کر کے ایک اور موقع دیا گیا جن کا انہوں نے خوب فائدہ اٹھایا۔
فخر زمان نے بنگلہ دیش کے خلاف ایونٹ کا دوسرا لمبا چھکا مارا تو سماجی رابطے کی ویب سائٹ پر صارفین نے خوب تبصرے کیے۔ کسی نے تعریف کی تو کسی نے ان کو پچھلے میچز میں موقع نہ دینے پر مینیجمنٹ کو تنقید کا نشانہ بنایا۔
ایک صارف نے تبصرہ کرتے ہوئے لکھا ہم فارم میں آٗئے تو ٹورنامنٹ ہی ختم ہونے والا ہے۔
Hum form main aaye to tournament khatam hone wala 😔#PAKvsBAN #fakharzaman#PakistanCricket
— hareem zahra (@HareemZahra05) October 31, 2023
ایک صارف نے تنقید کرنے والے صارفین کو مخاطب کرتے ہوئے لکھا کون کہ رہا تھا کہ فخر زمان چھکا نہیں مار سکتا؟
Han bhai kon bol ra tha fakhar zaman chaka nh mar skta ab????#PAKvsBAN #fakharzaman
— Aleez Ali (@AleezAli3) October 31, 2023
فخر زمان کی عمدہ بیٹنگ پر تبصرہ کرتے ہوئے ایک صارف نے لکھا ہم نے فخر زمان کی ایسی پرفارمنس کو بہت مس کیا ہے۔
Yes we badly missed Fakhar zaman 😭😭😭
— Babarians (@JunaidBabarian) October 31, 2023
ایک صارف نے فخر زمان کی گزشتہ پرفارمنسز کو معاف کرتے ہوئے لکھا جو بھی ہوا لیکن آج فخر زمان فخر پاکستان بن ہی گیا۔
https://twitter.com/aizazahid13/status/1719359460928586079
واضح رہے کہ پاکستان اور بنگلہ دیش کے مابین آئی سی سی مینز ون ڈے کرکٹ ورلڈ کپ 2023 کا 31واں میچ ایڈن گارڈنز کرکٹ اسٹیڈیم کولکتہ میں کھیلا جا رہا ہے۔ بنگلہ دیش نے ٹاس جیت کر پاکستان کے خلاف بیٹنگ کا فیصلہ کیا۔