جسمانی معذوری کو عام طور پرکسی بھی کام کے کرنے میں مشکلات کا سامنا کرنا یا کسی اور انسان پر انحصا ر کرنے سے وابستہ کیا جاتا ہے۔ لیکن بات جب شوق کی آتی ہے تو جسمانی معذوری بہت ہی غیر معمولی سی لگنے لگتی ہے ۔
سماجی رابطوں کی ویب سا ئٹ ٹویٹر پر اس وقت ایک ایسے ہی غیر معمولی بچے کا تذکرہ کیا جا رہا ہے جو دونوں ہاتھوں سے تو معذور ہے لیکن اپنی اس معذوری کو اپنے کرکٹ کھیلنے کے شوق کی راہ میں آنے نہیں دیا۔۔ وہ اپنے دوستوں کے ساتھ اسی جوش و خروش اور توانائی کے ساتھ کرکٹ کھیل رہا ہے جیسے باقی بچے کھیل رہے ہیں۔
ٹویٹر صارف منصور نثار نے ٹویٹر پر ویڈیو شئیر کی ہے جس میں ایک خوبصورت منظر دیکھا جا سکتا ہے، ویڈیو میں ایک بچہ جو دونوں ہاتھوں سے معذور ہے اپنے پاؤں کی مدد سے کرکٹ کھیل رہا ہے۔ ویڈیو میں دیکھا جا سکتا ہے کہ بچے نے پاوں سے ایک خوبصورت شاٹ کھیلا جس کے بعد نان اسٹرائکر اینڈ پر موجود اس کے ساتھ نے اس کی کمر تھپتپائی اور اس کو داد دی۔
شوق کی کوئی قیمت نہیں ہوتی ۔ pic.twitter.com/7zMrMSQMCU
— Mansoor Nisar (@MKhaaaan1234) February 24, 2023
اس ویڈیو پر صارفین نے مختلف تبصرے کیے، کسی نے بچے کے حوصلے کو داد دی تو کسی نے لکھا کہ کہ شوق کی کوئی قیمت نہیں ہوتی جبکہ کچھ صارفین ایسے تھے جن کو دوسرے اینڈ پر موجود بچے کی تھپکی پسند آئی۔ ایک صارف نے لکھا جس طرح دوسرے اینڈ پر بچے نے تھپکی دیکرداد دی اور حوصلہ افزائی کی، بہت ہی پیارا منظر ہے۔
جس طرح دوسرے اینڈ پر بچے نے تھپکی دیکرداد دی اور حوصلہ افزائی کی، بہت ہی پیارا منظر ہے۔
🥹🥹🥹— Sweet Boy (@SweetCompany200) February 24, 2023
گفتگو مزید آگے بڑھی تو کچھ صارفین کا ماننا تھا کہ خوشیاں کسی چیز کی محتاج نہیں ہوتی ۔ صارف محمد عارف نے اس ویڈیو پر تبصرہ کرتے ہوئے لکھا جذبے محتاج نہیں ہوتے۔
جزبے محتاج نہیں ہوتے ۔
— Muhammad Arif TI(M)Major(R) (@ArifRetd) February 24, 2023
صارفین کا کہنا تھا کہ بچے کی ہمت تو داد کے قابل ہے ہی لیکن اس سے بھی زیادہ دل چھو لینے وال بات یہ ہے کہ دوسرے بچوں نے اس بچے کو برابری کی سطح پر قبول کیا اور اس کی ہمت مزید بڑھائی۔ ایک ٹویٹر صارف نے لکھا۔ یہ بچا اتنا پرعزم ہے اور سب سے سے خوبصورت بات یہ ہے کہ دوسرے بچوں نے اسکو برابر موقع دیا، تمام بڑوں کے لئے سیکھنے کے لئے بہت کچھ’
ویڈیو میں دیکھا جا سکتا ہے کہ بچے کے دونوں بازو نہیں ہیں لیکن اس نے اسے کھیل کا حصہ بننے سے نہیں روکا۔ اس بچے کا ناقابل یقین جوش واقعتا متاثر کن ہے اور یہ ثابت کرتا ہے کہ اگر آپ پرعزم ہیں تو کچھ بھی ناممکن نہیں ہے