آئی سی سی کرکٹ ورلڈ کپ 2023 میں پاکستان اور نیوزی لینڈ کے مابین میچ 4 نومبر کو بھارت کے شہر بنگلورو میں کھیلا جائے گا۔ یہ میچ پاکستان کے لیے انتہائی اہمیت کا حامل ہے کیونکہ یہی وہ میچ ہے جو پاکستان ٹیم کی سیمی فائنل تک رسائی کا تعین کرے گا۔
کرکٹ اعداد وشمار کے ماہر مظہر ارشد نے سماجی رابطے کی ویب سائٹ ایکس پر ایک پوسٹ میں بتایا کہ نیوزی لینڈ کے نیٹ رن ریٹ (این این آر) کو پار کرنے کے لیے پاکستان کو اس میچ میں کیویز کو 83 رنز سے ہرانا یا پھر 35 اوورز میں ہدف حاصل کرنا ہوگا۔
To beat New Zealand's NRR, Pakistan need to win by approximately 83 runs or chase in approximately 35 overs against New Zealand. But both teams will have one more game after that so there could be a new NRR scenario in the last group match.
— Mazher Arshad (@MazherArshad) November 1, 2023
مظہر ارشد کا کہنا تھا کہ پاکستان اور نیوزی لینڈ کے درمیان میچ کے بعد بھی دونوں ٹیموں کا ایک ایک میچ باقی رہ جائے گا اور آخری گروپ میچ میں نیا این این آر سامنے آسکتا ہے۔
صارفین نے مظہر ارشد کی پوسٹ پر دلچسپ جواب دیے۔ مسٹر کریٹک نے اپنی پوسٹ میں لکھا، ’اگر پاکستان نیوزی لینڈ کو اس مارجن سے شکست دیدے تب بھی نیوزی لینڈ کا اگلا میچ سری لنکا سے ہوگا اور ہمیں پتہ ہے کہ پھر کیا ہوگا۔‘
Even if Pakistan beat Nz by this margin then NZ next match is with Sri Lanka 🇱🇰 & we know what’s gonna happen there. Let’s see
— Mr. Critic (@dacriticizer) November 1, 2023
صارف ایکس نے لکھا، ’دیکھتے ہیں قدرت کا نظام۔‘
https://twitter.com/Xh_Sahib/status/1719746276634272198
صارف مانم نے لکھا، ’ہینری چونکہ انجرڈ ہیں لہٰذا پاکستان کے لیے نیوزی لینڈ سے بڑے مارجن سے جیتنا آسان ہوگا۔‘
With henry being injured it should be easy for Pakistan to beat them marginally
— X Nation🔥 (@ManumVista) November 1, 2023
شہاب آفریدی نے کہا، ’پاکستان سیمی فائنل کے لیے کوالیفائی کر لے گا، اس بات کا اسکرین شاٹ لے لیں۔‘
https://twitter.com/ShabiSpeaks/status/1719746319798133226
یو ایس پلس مین نے تنقیدی لہجے میں کہا، ’پاکستان انہیں (نیوزی لینڈ کو) 140 رنز پر آؤٹ کر دے گا اور ہدف 15 اوورز میں حاصل کر لے گا، کوالیفائی کرنا آسان ہے۔‘
Pakistan will bowled them out for 140 and will chase it in 15 overs… Easy qualification
— Software Engineer (@Softwareeng428) November 1, 2023
واضح رہے کہ ورلڈ کپ میں ابھی تک سب سے زیادہ پوائنٹس جنوبی افریقہ کے ہیں جنہوں نے 7 میچوں میں سے 6 میں کامیابی حاصل کر کے 12 پوائنٹس حاصل کیے ہیں، دوسرے نمبر پر براجمان بھارت کے بھی 12 پوائنٹس ہیں، آسٹریلیا اور نیوزی لینڈ کے 8، 8 پوائنٹس ہیں۔ پاکستان نے 7 میچ کھیل کر 6 پوائنٹس حاصل کیے ہیں اور پوائنٹس ٹیبل پر اس کا نمبر 5واں ہے۔
