پروفیشنل نیٹ ورک کمپنی لنکڈاِن نے ملازمت کی تلاش کے لیے مصنوعی ذہانت (AI) سے چلنے والے ٹولز متعارف کروائی ہیں، لنکڈاِن کی یہ آرٹیفیشل چیٹ بوٹ ورچوئل کیریئر کوچ کے طور پر کام کرے گی جس سے لوگوں کے لیے ملازمت کے مواقع پیدا ہوں گے، یہ چیٹ بوٹ ملازمت تلاش کرنے میں لوگوں کی مدد بھی کرے گی۔
لنکڈاِن کے چیف پروڈکٹ آفیسر ٹومر کے مطابق لنکڈاِن کی چیٹ بوٹ ورچوئل کیریئر کوچ کے طور پر کام کرے گی، کمپنی نے ایسے چیٹ جی پی ٹی ٹولز متعارف کروائے ہیں جن کا مقصد صرف ملازمت کی معلومات فراہم کرنا نہیں ہے بلکہ لوگوں کو اعتماد بھی فراہم کرنا ہے، یہ ملازمت کے متلاشیوں کے لیے ملازمت کی تلاش میں آسانیاں پیدا کرے گا۔
تاہم ملازمت کی تلاش کی خصوصیت صرف پریمیم لنکڈاِن اراکین کے لیے دستیاب ہے، کمپنی ‘ٹیک ویز’ بھی شروع کر رہی ہے، چیٹ بوٹ لوگوں سے بات کرے گی اور ان کو مشورے دے گی کہ ان کے لیے کون سی ملازمت بہتر ہے اور میسر ہے۔
یاد رہے کہ لنکڈاِن کو ان دنوں خسارے کا سامنا ہے جس کے باعث کمپنی نے حالیہ دنوں میں مزید 668 ملازمین کو نوکری سے نکال دیا ہے۔
