غزہ میں اسرائیلی فوج کا بٹالین کمانڈر مارا گیا، متعدد اسرائیلی گرفتار

اسرائیلی فوج نے تصدیق کی ہے کہ غزہ میں لڑائی کے دوران اسرائیلی فوج کا ایک بٹالین کمانڈر مارا گیا ہے جبکہ حماس نے مزید کئی اسرائیلیوں کو گرفتار کرلیا ہے۔

اسرائیلی اخبار ہارتز کے مطابق اسرائیلی فوج ( آئی ڈی ایف) کی طرف سے جمعرات کی صبح جاری کردہ ایک بیان میں کہا گیا ہے کہ غزہ میں لڑائی کے دوران اسرائیلی فوج کی 53 ویں بٹالین کے کمانڈر لیفٹیننٹ کرنل سلمان حباکا ہلاک ہوگیا۔

حماس کے ہاتھوں گرفتار ہونے والے اسرائیلیوں کی تعداد 242 ہوگئی

ترجمان نے بتایا ہے کہ حماس کے عسکریت پسند مزید کئی اسرائیلیوں کو گرفتار کرکے اپنے ساتھ لے گئے ہیں۔

اسرائیلی فوج کے ترجمان ڈینیئل ہگاری نے اپنے بیان میں حماس کے ہاتھوں مزید اسرائیلیوں کی گرفتاری کی تصدیق کی ہے اور گرفتار اسرائیلی کی مجموعی تعداد 242 بتائی ہے۔

اسرائیلی فوج کے ترجمان نے بتایا کہ فوج نے غزہ کی پٹی میں حماس کے ہاتھوں یرغمال بنائے گئے 242 افراد کے اہل خانہ کو مطلع کر دیا ہے۔