’فلسطین میں خون بہہ رہا ہے اور عالمِ اسلام میں ناچ گانا ہو رہا ہے‘: نجی یونیورسٹی میں پارٹی پر صارفین کی تنقید

پاکستان میں یونیورسٹیز تعلیمی سرگرمیوں کے علاوہ غیر نصابی سرگرمیوں کی وجہ سے اکثر سوشل میڈیا پر ٹرینڈ کرتی نظر آتی ہیں۔

اب کی بار کامسیٹیس یونیورسٹی لاہور میوزک پارٹی کی وجہ سے خبروں میں ہے۔

اسلام آباد اپڈیٹس پیج پر کامسیٹس یونیورسٹی کی ایک ویڈیو شیئر کی گئی جس میں طلباء کو میوزک پارٹی میں انجوائے کرتے دیکھا جا سکتا ہے۔

Students are enjoying a music party in Comsat University, Lahore. pic.twitter.com/o2NPSdWUfM

— Islamabad Updates (@IslamabadViews) November 2, 2023

صارفین کی جانب سے کامسیٹس یونیورسٹی میں میوزک پارٹی کے اہتمام پر افسوس کا اظہار کیا جا رہا ہے۔

صحافی انصار عباسی نے ویڈیو پر تبصرہ کرتے ہوئے لکھا کہ یہ شرم کا مقام ہے جہاں پوری دنیا میں لوگ اسرائیل کے ہاتھوں غزہ کی نسل کشی پر رو رہے ہیں وہاں کامسیٹس یونیورسٹی نے اپنے طلباء کو میوزک پارٹی کی اجازت دے دی ہے۔

So shameful. People all around the world are weeping over #GhazaGenocide by Israel and here Comsats university has allowed music party for its students. https://t.co/58iM9elwHl

— Ansar Abbasi (@AnsarAAbbasi) November 3, 2023

ایک صارف نے لکھا کہ فلسطین میں خون بہہ رہا ہے اور عالمِ اسلام میں ناچ گانا ہو رہا ہے یہ کتنے شرم کی بات ہے۔

Palestine is bleeding and Muslims world is dancing what a shame? https://t.co/gYqN9cfRSX

— Ek tha pakistan. (@tanvirlahori786) November 3, 2023

  رباب نے سوال کیا کہ کیا یہ اسلامیہ جمہوریہ پاکستان ہے جہاں یہ سب ہو رہا ہے؟

is this Islamic Republic of Pakistan?

— Rubab Rajput 🇵🇰 (@R_4_Rubab) November 2, 2023

ایک صارف نے لکھا کہ سٹوڈنٹس کو انجوائے کرنے دیں اورآپ کی بورڈ کے پیچھے اکیلے بیٹھ کے کڑھتے رہیں۔

They are student. Let them enjoy while you sulk alone behind your keyboard.

— Emran Hayat (@HayatEmran) November 2, 2023

واضح رہے کہ اس سے قبل لمز یونیورسٹی میں ہونے والی ’فرضی شادی‘ بھی سوشل میڈیا پر زیرِ بحث رہی تھی جس پر صارفین کی جانب سے ملا جلا رد عمل سامنے آیا تھا۔