اسرائیلی افواج غزہ کی پٹی پر اپنے حملوں میں آئے روز اضافہ کر رہی ہیں اور فلسطینیوں کو راستے سے ہٹانے کی بھر پور کوشش میں مصروف ہیں۔ ان حالات اور جنگ کے ماحول پر پوری دنیا اور خاص طور پر مسلمانوں میں سخت تشویش پائی جاتی ہے۔ آئے روز دنیا بھر سے جنگ بندی کا مطالبہ بڑھتا ہوا نظر آرہا ہے۔
سابق بھارتی فاسٹ بولر عرفان پٹھان نے سماجی رابطے کی ویب سائٹ ایکس پر غزہ میں جاری بمباری پر تشویش کا اظہار کرتے ہوئےلکھا کہ وہ بطور کھلاڑی صرف اپنی آواز اٹھا سکتے ہیں لیکن اب وقت آگیا ہے کہ عالمی رہنما متحد ہو جائیں اور اس بے رحمانہ قتل کو ختم کریں۔
بھارتی صارفین کی جانب سے سخت رد عمل کے ڈر سےعرفان پٹھان نے اپنی پوسٹ میں کمنٹ سیکشن کو بند کرتے ہوئے لکھا کہ غزہ میں روزانہ نومولود بچوں سے لے کر 10 سال کی عمر تک کے معصوم بچے جان کی بازی ہار رہے ہیں اور دنیا خاموش ہے۔
Every day, innocent kids aged 0-10 in Gaza are losing lives and the world remains silent. As a sportsman, I can only speak out, but it’s high time for world leaders to unite and put an end to this senseless killing. @UN #StopTheViolence #GazaChildren
— Irfan Pathan (@IrfanPathan) November 3, 2023
عرفان پٹھان نے اقوام متحدہ کو ٹیگ کرتے ہوئے لکھا کہ ’ایک کھلاڑی ہونے کے ناطے میں صرف آواز اٹھا سکتا ہوں لیکن اب وقت آگیا ہے کہ عالمی رہنما متحد ہو جائیں اور اس بے رحمانہ قتل عام کو ختم کریں‘۔
اگرچہ عرفان پٹھان نے اپنا کمنٹ سیکشن بند کیا ہے لیکن سوشل میڈیا صارفین ان کی اس پوسٹ کو ری پوسٹ کرتے ہوئے خوب سراہتے ہوئے نظر آتے ہیں۔
پاکستانی اداکارہ اُشنا شاہ نے عرفان پٹھان کی اس پوسٹ کو ری پوسٹ کیا اور لکھا کہ ’یہ لکھنے کے لیے گردہ چاہیے میرے بھائی‘۔
Spine of steel my brother https://t.co/k3zOqQ19RX
— Ushna Shah (@ushnashah) November 3, 2023
حمزہ نے اپنی پوسٹ میں لکھا کہ ’مجھے عرفان پٹھان کی حفاظت کی فکر ہورہی ہے کیونکہ اس پوسٹ پر بھارت سے جو ردعمل آرہا ہے وہ بہت خطرناک ہے۔ انہوں نے عرفان پٹھان کو محبت کا پیغام دیتے ہوئے لکھا کہ اپنا خیال رکھیے گا، ہم آپ کے ساتھ ہیں‘۔
Apart from banter but after this bravery by Irfan Pathan, I’m really worried about his safety. Because the quotes on this post are really threatening. Irfan brother stay safe and after yourself ♥️#PAKvsNZ #AFGvsNED https://t.co/E3NhPWguND
— Hamxa 🏏🇵🇰 (@hamxashahbax21) November 3, 2023
ایکس صارف نے عرفان پٹھان کی پوسٹ کو سراہتے ہوئے لکھا کہ ’اس پوسٹ پر بھارتی رد عمل کو دیکھ کر میں ایک بار پھر قائد اعظم کا شکریہ ادا کرنا چاہتا ہوں‘۔
After reading quote tweets from Indians, I would like to say thank you, Mr Jinnah, again. https://t.co/Ig24W91w09
— The Wanderer (@Ahmeds4ys) November 3, 2023
ماہم گیلانی نے ایکس پر اپنی پوسٹ میں لکھا کہ وہ عرفان پٹھان کی بہت عزت کرتی ہیں۔ انہوں نے وہ اپنا کھویا ہوا مقام دوبارہ حاصل کر لیا ہے۔ فلسطین کے لیے آواز اٹھانے کا شکریہ۔
Huge respect for Irfan Pathan. He has gained all the respect which he had lost.
Thank you for raising your voice for the Palestine 🇵🇸 #palestineGencide https://t.co/KZ0LdkeStH— Maham Gillani (@DheetAfridian) November 3, 2023
فیضان خان نے بھارتی فاسٹ بولر کی پوسٹ کو ری پوسٹ کرتے ہوئے لکھا کہ ’ عرفان پٹھان کی پوسٹ پر بھارتیوں کے رد عمل کو دیکھ کر آپ اندازہ لگا سکتے ہیں کہ انہیں کیوں بھارت میں اپنے بچاؤ کے لیے پاکستان کے خلاف بولنا پڑتا ہے۔ محمد شامی نے بھی گزشتہ روز سری لنکا کے خلاف 05 وکٹیں لینے کے بعد سجدہ کرنے سے اجتناب کیا تھا‘۔
Irfan getting bashed by Indian’s just for speaking out for kids being killed by Israel. Now you understand why he has to play Anti Pakistan card all the time to survive in India. Shami had to change his plan of doing sajda yesterday after fiver ! Sad realities of Hindutva. https://t.co/CY4JFlZWvm
— Faizan Khan (@Faizankhaan91) November 3, 2023
عرفان پٹھان کی پوسٹ پر بھارتی شائقین کی جانب سے سخت رد عمل سامنے آرہا ہے فاسٹ بولر اس وقت سخت تنقید کی زد میں ہیں۔
